Pablizu linii frontu źjaviŭsia pieršy va Ukrainie padziemny špital, dzie vajskoŭcy atrymlivajuć nieabchodnuju miedycynskuju dapamohu paśla ranieńniaŭ, paviedamili ŭ Minabarony Ukrainy.
Hety špital — častka bujnoha prajekta, jaki realizuje Ministerstva abarony razam ź miedycynskimi siłami «Uschod». U jaho ramkach płanujuć pabudavać bolš za dvaccać takich padziemnych punktaŭ dla stabilizacyi paranienych.
Špital pabudavany na asnovie šaści tryvałych stalovych bunkieraŭ, kožny ź jakich maje daŭžyniu 7,6 mietra, a dyjamietr 2,5 mietra. Tut jość sistemy vientylacyi, vodazabieśpiačeńnia, vodaadviadzieńnia i alternatyŭnyja krynicy elektryčnaści.
Dla dadatkovaj biaśpieki špital abstalavany sistemami radyjoelektronnaj baraćby.
Padziemny špital składajecca z:
dvuch apieracyjnych błokaŭ;
dvuch reanimacyjnych błokaŭ;
pracoŭnaha pamiaškańnia;
zony adpačynku dla miedycynskaha piersanału.
Jon abstalavany sučasnym miedycynskim abstalavańniem: kisłarodnymi kancentratarami, aparatami štučnaj vientylacyi lohkich, kardyjomanitorami i defibrylatarami.
Špital dazvalaje akazvać dapamohu bolš čym 100 paranienym štosutačna i pravodzić adnačasova da čatyroch apieracyj.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary