Паблізу лініі фронту з'явіўся першы ва Украіне падземны шпіталь, дзе вайскоўцы атрымліваюць неабходную медыцынскую дапамогу пасля раненняў, паведамілі ў Мінабароны Украіны.
Гэты шпіталь — частка буйнога праекта, які рэалізуе Міністэрства абароны разам з медыцынскімі сіламі «Усход». У яго рамках плануюць пабудаваць больш за дваццаць такіх падземных пунктаў для стабілізацыі параненых.
Шпіталь пабудаваны на аснове шасці трывалых сталёвых бункераў, кожны з якіх мае даўжыню 7,6 метра, а дыяметр 2,5 метра. Тут ёсць сістэмы вентыляцыі, водазабеспячэння, водаадвядзення і альтэрнатыўныя крыніцы электрычнасці.
Для дадатковай бяспекі шпіталь абсталяваны сістэмамі радыёэлектроннай барацьбы.
Падземны шпіталь складаецца з:
двух аперацыйных блокаў;
двух рэанімацыйных блокаў;
працоўнага памяшкання;
зоны адпачынку для медыцынскага персаналу.
Ён абсталяваны сучасным медыцынскім абсталяваннем: кіслароднымі канцэнтратарамі, апаратамі штучнай вентыляцыі лёгкіх, кардыёманіторамі і дэфібрылятарамі.
Шпіталь дазваляе аказваць дапамогу больш чым 100 параненым штосутачна і праводзіць адначасова да чатырох аперацый.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары