U Rasii pažanilisia pravasłaŭny biznesoviec i dziciačaja ambudsmienka. Jon sponsar «Ruskaj viasny», na jaje vydali mižnarodny ordar
U adnym z padmaskoŭnych katedžnych pasiołkaŭ 8 vieraśnia prajšło viasielle ŭpaŭnavažanaj pa pravach dziciaci pry prezidencie Rasii Maryi Lvovaj-Białovaj i zasnavalnika telekanała «Carhrad» Kanstancina Małafiejeva, piša «Mieduza».
Čutki pra suviaź Małafiejeva i Lvovaj-Białovaj źjavilisia ŭ pačatku 2024 hoda, kali jany razam pryjšli na chresny chod u Jekaciarynburhu.
Pra razvod Małafiejeva z papiaredniaj žonkaj stała viadoma ŭ 2023 hodzie, ale pra skasavańnie šlubu Lvovaj-Białovaj i śviatara Paŭła Kahielmanava (jany vychoŭvali 10 dziaciej — piać pryjomnych i piać kreŭnych) nie abviaščałasia.
Na viasielli vystupali Dzima Biłan, Hryhoryj Leps, Valeryja i Leanid Ahucin. Biłana paprasili prybrać z prahramy vystupu niekalki piesień. Źviartaje ŭvahu vystup Leanida Ahucina, adznačajučy, što śpiavak vykazvaŭsia suprać vajny, z-za čaho ŭ jaho admianiali kancerty.
Kanstancin Małafiejeŭ z 2014 hoda znachodzicca pad sankcyjami ZŠA i Jeŭrasajuza z-za abvinavačvańniaŭ u finansavańni samaabvieščanych DNR i ŁNR. Paśla pačatku poŭnamaštabnaha ŭvarvańnia vojskaŭ RF va Ukrainu padkantrolnyja Małafiejevu ŚMI stali adnymi z hałoŭnych raspaŭsiudžvalnikaŭ rasiejskaj prapahandy.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary