Na Paŭdniova-Uschodniuju Aziju abrynuŭsia mocny tajfun, ad jakoha cierpiać i biełarusy
Užo niekalki dzion u krainach Paŭdniova-Uschodniaj Azii lutuje mocny tajfun, jakomu dali imia Jahi. Niadaŭna jon abrynuŭsia na Vjetnam, dzie zabraŭ žyćci 21 čałavieka ŭ Vjetnamie, jašče bolš za 200 čałaviek atrymali ranieńni.
«Jahi» staŭ samym mocnym tajfunam, jaki prajšoŭ sioleta ŭ Cichaakijanskim rehijonie. Asnoŭny ŭdar pryjšoŭsia na vjetnamskija paŭnočna-ŭschodnija prybiarežnyja pravincyi Kuanhniń i Chajfon, paryvy vietru pieravyšali 150 kiłamietraŭ za hadzinu.
Tajfun vyklikaŭ šmatlikija pavodki i apoŭźni. Čakajecca, što jon raśsiejecca ŭ paniadziełak. Učora, 8 vieraśnia, «Jahi» asłabieŭ da ŭzroŭniu trapičnaj depresii.
Na minułym tydni jon abrynuŭsia na Filipiny, dzie zahinuła 20 čałaviek, a zatym na poŭdzień Kitaja, dzie zabraŭ žyćci jašče čatyroch čałaviek i prymusiŭ kala miljona hramadzian pakinuć svaje damy.
Nie minuŭ tajfun i kitajskaha vostrava Chajnań, jaki apošnim časam staŭ papularnym turystyčnym kirunkam. Chutkaść paryvaŭ vietru na im dasiahała 209 kiłamietraŭ za hadzinu, z-za čaho na vostravie pazakryvalisia ŭsie plažy i kramy. Miascovych žycharoŭ i turystaŭ paprasili nie vychodzić z damoŭ i hatelaŭ.
Siarod turystaŭ, jakija znachodziacca na Chajnani, apynułasia i siamja ź Biełarusi. Volha i Uład dabiralisia ŭ dalokija krai amal dvoje sutak. U turahienctvie ich papiaredzili, što ciapier na vostravie moža być niepradkazalnaje nadvorje: kali pašancuje — usio dobra, ale heta nie abaviazkova.
Biełarusam usio ž taki nie pašancavała. Jašče ŭ kancy žniŭnia na ŭźbiarežžy praz nadvorje zakryli ŭsie plažy, a 6 vieraśnia, kali viecier staŭ macniejšy, začynilisia i kramy. Turystaŭ paprasili zastavacca ŭ svaich numarach i nie pakidać ich.
U adnym z haradoŭ vostrava viecier bušavaŭ z takoj siłaj, što zryvaŭ prybory kandycyjanieraŭ z budynkaŭ. A jašče tam źnikła elektryčnaść.
Ciapier čytajuć
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki14
Kamientary