Ryžankoŭ zajaviŭ, što Biełaruś nie dapuścić, kab jaje ŭciahnuli ŭ kanflikt va Ukrainie
Kiraŭnik biełaruskaha MZS taksama skazaŭ, što dla Kitaja i ŭsich krain «Pojasa i šlachu» Biełaruś zaŭsiody budzie aknom mahčymaściaŭ u Jeŭropie.
Biełaruś nie dapuścić, kab jaje ŭciahnuli ŭ kanflikt va Ukrainie, kraina budzie zastavacca aknom mahčymaściaŭ u Jeŭropie dla takich krain jak Kitaj, zajaviŭ ministr zamiežnych spraŭ Biełarusi Maksim Ryžankoŭ na dziaviatym samicie «Pojas i šlach» u Hankonhu, piša «Sputnik».
«My poŭnyja rašučaści nie dapuścić uciahvańnia našaj krainy ŭ hety kanflikt, i ŭ Biełarusi jość ceły arsienał instrumientaŭ dla hetaha», — zajaviŭ Ryžankoŭ. Pry hetym jon asabliva padkreśliŭ, što dla Minska inicyjatyva «Pojas i šlach» stała svojeasablivym «pojasam biaśpieki».
Pavodle jaho słoŭ, niekatoryja siły sprabujuć śpiekulavać na roli Biełarusi jak klučavoha źviana ŭ suchaputnym tranzicie.
«Hučnyja pahrozy ŭ adras čyhunačnaha tranzitu pamiž Kitajem i Jeŭropaj rehularna hučać, naprykład, z Varšavy», — padkreśliŭ jon.
Ale, pa słovach ministra, «adkaznaja palityka Minska i prahmatyzm samich jeŭrapiejcaŭ akazvajuć svajo ŭździejańnie».
«Čyhunačny tranzit pa biełaruskim učastku maršrutu Kitaj—Jeŭropa—Kitaj imkliva raście i nabližajecca da histaryčnaha maksimumu», — skazaŭ Ryžankoŭ.
Pry hetym kiraŭnik MZS padkreśliŭ, što z ulikam ukrainskaj situacyi, a taksama abmiežavańniaŭ u bałtyjskich krainach, Biełaruś źjaŭlajecca adzinym suchaputnym maršrutam u Jeŭropu.
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ4
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary