Začynieny ŭniviersitet u centry Minska vystavili na prodaž. Košt uražvaje
Prava tut bolš nie vykładajuć.
U Minsku na aŭkcyjon vystavili na prodaž adnu z najstarejšych pryvatnych vnu. Heta «BIP — Univiersitet prava i sacyjalna-infarmacyjnych technałohij», piša Blizko.by.
Havorka idzie pra budynak u histaryčnym centry Mienska, na vulicy Zamkavaj, 33.
Ahulnaja płošča budynka — 817 kvadratnych mietraŭ.
Startavaja cana vyznačana ŭ pamiery 870.000 dalaraŭ, krok aŭkcyjonu — 43.500 dalaraŭ. Taksama pakupnik pavinien apłacić uznaharodžańnie arhanizataru tarhoŭ u pamiery 2% ad koštu łota i 400 rubloŭ vydatkaŭ.
Takim čynam, vynikovaja suma składzie dla pakupnika prykładna 931.895 dalaraŭ.
«BIP-Univiersitet prava i sacyjalna-infarmacyjnych technałohij» začyniŭsia z 30 žniŭnia hetaha hoda, pra što stała viadoma tolki ŭ siaredzinie červienia. Studentaŭ, a taksama hramadzian, jakija navučajucca pa prahramach dadatkovaj adukacyi, płanujecca pieravieści ŭ inšyja ŭstanovy, jakija realizujuć adpaviednyja adukacyjnyja prahramy. Tarhi adbuducca 8 kastryčnika.
Kamientary