Vajna99

Rasijskaja armija pačała šturm Vuhladara

Rasijskija vajskoŭcy raspačali sprobu zajści na terytoryju šmatpaviarchovaj zabudovy Vuhladara Danieckaj vobłaści, vynikaje z paviedamleńniaŭ rasijskich i ŭkrainskich telehram-kanałaŭ, piša «Ahienstvo». Pad pahrozaj akružeńnia ŭ horadzie apynułasia ŭkrainskaja bryhada kolkaściu kala 2 tysiač čałaviek.

Karta: Deep State

Pra toje, što rasijskija vajskoŭcy prystupili da šturmu Vuhladara, prarasijskija vajennyja błohiery paviedamili ŭviečary ŭ aŭtorak.

Vajenny błohier Barys Rožyn (Colonelcassad) napisaŭ, što farmalna rasijskija vajskoŭcy znachodziacca ŭ miežach Vuhladara ŭžo dva dni, z taho času, jak jany zaniali pryharad, jaki farmalna źjaŭlajecca častkaj horada.

Rasijski vajenkar Juryj Kacianok napisaŭ, što ŭžo da pačatku aŭtorka rasijskim vajskoŭcam udałosia zamacavacca va ŭschodniaj častcy Vuhladara. Pry hetym telehram-kanał «Dva majory» piša tolki ab «pieradavych padraździaleńniach» u miežach horada.

WarGonzo napisaŭ, što rasijskija vajskoŭcy «praciahvajuć palapšać svaje pazicyi vakoł horada, zahaniajučy ŭkrainski harnizon u akružeńnie».

Pra toje, što rasijskija vajskoŭcy sprabujuć akružyć USU ŭ Vuhladary, napisaŭ i blizki da Minabarony telehram-kanał «Rybar».

Dźvie tysiačy vajskoŭcaŭ 72-j miechanizavanaj bryhady USU ryzykujuć apynucca ŭ atačeńni, paćvierdziŭ Forbes.

Bajec ukrainskaha bataljona «Ajdar» Stas Buniataŭ u svaim telehram-kanale paćvierdziŭ, što rasijskija vajskoŭcy «pratačylisia na ŭskrainy Vuhladara».

Ukrainski błohier Siarhiej Sternienka paviedamiŭ, što situacyja ŭ horadzie krytyčnaja. Jon vykazaŭ zdahadku, što ŭ najbližejšyja dni Rasija zachopić horad.

Ukrainski OSINT-prajekt DeepState unočy na paniadziełak paviedamiŭ, što rasijskaja armija padyšła ŭščylnuju da horada, a nievialikaja častka Vuhladara, jakaja znachodzicca na ŭschodzie, apynułasia ŭ šeraj zonie. Tady ž prajekt adznačyŭ na karcie, što rasijskija vajskoŭcy ŭziali pad kantrol «vuhladarskija leciščy».

Hienštab USU ranicaj u aŭtorak paviedamiŭ pra vosiem sprob rasijskich vajskoŭcaŭ zachapić pazicyi Ukrainy «niedaloka ad Paŭłaŭki i Vuhladara». 

Napiaredadni Financial Times paviedamiła, što Rasija źmianiła taktyku ŭ Danieckaj vobłaści. Rasijskaje vojska zamarudziła svajo prasoŭvańnie da Pakroŭska i sprabuje abyści ŭkrainskija pazicyi z poŭdnia — u rajonie Vuhladara i Kurachava, piša hazieta.

Bai za hety horad iduć ź lutaha 2022 hoda, u im razburanyja amal usie budynki. Da vajny ŭ horadzie žyli kala 15 tysiač čałaviek. 

Čakajecca, što rasijskaje vojska moža ŭziać Vuhladar užo ŭ bližejšyja tydni, kazaŭ FT namieśnik kamandzira 72-j ukrainskaj miechanizavanaj bryhady.

Kamientary9

  • Biednaja Ukraina! Trymajsia!
    24.09.2024
    Čamu Ukrainie nielha tak spalvać akupanta? Na terytoryi akupanta?
    Šolc suprać. Niachaj by źjeździŭ, pahladzieŭ svaimi vačyma, što rasiejkija akupanty vytvarajuć.
  • Antoś
    24.09.2024
    Usioj siamjoj čakajem na vyzvaleńnie Kurachava.
    • Imia
      24.09.2024
      Antoś, ad rozumu ciabie ŭžo vyzvalili
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U bazie siłavikoŭ «BIESparadki» bolš za 100 tysiač čałaviek15

U bazie siłavikoŭ «BIESparadki» bolš za 100 tysiač čałaviek

Usie naviny →
Usie naviny

Niekalki rasijskich dronaŭ pralacieli viečaram nad Homielskaj vobłaściu1

Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj18

Rasija naniesła ŭdar pa Kijevie: razburanyja dva žyłyja damy4

U «Aziempika» źjaviŭsia surjozny kankurent. Amierykancy ŭžo čaściej kuplajuć mienavita hety preparat dla pachudzieńnia

Tramp uvioŭ pošliny 50% na tavary z Brazilii5

Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie57

Les jak nažom zrezała. Nastupstvy niepahadzi ŭ Minskim rajonie FOTA1

Na aŭkcyjonie ŭ Francyi pradali nošanuju škarpetku Majkła Džeksana2

Dziesiać łajfchakaŭ, jak palepšyć pracu pralnaj mašyny i lepš admyvać rečy7

bolš čytanych navin
bolš łajkanych navin

U bazie siłavikoŭ «BIESparadki» bolš za 100 tysiač čałaviek15

U bazie siłavikoŭ «BIESparadki» bolš za 100 tysiač čałaviek

Hałoŭnaje
Usie naviny →

Zaŭvaha:

 

 

 

 

Zakryć Paviedamić