Za piać hadoŭ Hiermanija vydała biełarusam 267 humanitarnych viz. Bolš nie buduć
Pakistancy za hety čas atrymali 30 tysiač humanitarnych viz.
Niadaŭna źjaviłasia infarmacyja, što Hiermanija prypyniła vydaču humanitarnych viz dla asob, jakija pieraśledujucca pa palityčnych pryčynach.
Pravaabarončaja arhanizacyja Libereco, jakaja zajmajecca hetaj temaj, atrymała aficyjny adkaz ź Ministerstva ŭnutranych spraŭ Hiermanii, što prypynieńnie tyčycca i raniej zaćvierdžanych vypadkaŭ — to-bok tych ludziej, jakija atrymali stanoŭčaje rašeńnie adnosna vydačy niamieckaj humanitarnaj vizy, ale jašče nie paśpieli ŭjechać u krainu, piša ŭ fejsbuku daradca Śviatłany Cichanoŭskaj pa pravavych pytańniach Leanid Marozaŭ.
Hramadzian Biełarusi hetaja situacyja zakranie nie vielmi mocna, bo, pa aficyjnych danych MZS Hiermanii, kolkaść vydavanych im humanitarnych vizaŭ zaŭsiody była vielmi maleńkaj. Usiaho za apošnija piać nadzvyčaj składanych dla biełarusaŭ hadoŭ im było vydadziena tolki 267 viz:
- 2020 hod — 0 vizaŭ;
- 2021 hod — 74 vizy;
- 2022 hod — 125 viz;
- 2023 hod — 39 viz;
- 2024 hod — 29 viz.
Humanitarnyja vizy dla biełarusaŭ, takim čynam, nikoli nie byli ŭ Hiermanii masavaj prahramaj i nie mieli metaj šyrokuju mihracyju. Jak śviedčyć statystyka, z hetaj mahčymaści najbolš karystalisia hramadzianie krain Azii i Afryki, biezumoŭnym lidaram siarod jakich u apošnija hady byŭ Pakistan.
Ciapier čytajuć
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary
Čałaviek, kali ździejśniaje sujcyd, hłytaje nie bulbu, a atrutu, tamu ŭsio łahična, niama čamu ździŭlacca.