Usaŭ: Paźniak ne stavić svaje palityčnyja pohlady vyšej za žyćcio Kaleśnikavaj
Pavieł Usaŭ u efiry «Jeŭraradyjo» vykazaŭsia z nahody rezanansnych słoŭ Zianona Paźniaka, jaki nazvaŭ Maryju Kaleśnikavu «palityčnym ništo».
Palitołah Pavieł Usaŭ prakamientavaŭ apošnija vykazvańni Zianona Paźniaka na adras palitviaźniaŭ Viktara Babaryki i Maryi Kaleśnikavaj.
Pa słovach Usava, Paźniak zaklikaŭ da vyzvaleńnia ŭsich palitviaźniaŭ, niezaležna ad jaho staŭleńnia da kankretnych asobaŭ.
«Tut staić pytańnie žyćciaŭ ludziej. Žyćci ludziej treba ratavać, niezaležna ad taho, na jakich palityčnych pazicyjach stajali hetyja ludzi», — adznačyŭ Usaŭ.
Palitołah nie admaŭlaje, što Paźniak niehatyŭna stavicca da dziejnaści Babaryki, Kaleśnikavaj i inšych ludziej z hetaj hrupy, jakaja sfarmavałasia ŭ 2020 hodzie.
«Ale jon nie stavić svaje palityčnyja pohlady i acenki ŭ dačynieńni da hetych ludziej vyšej ich žyćciaŭ. Dla Paźniaka, i ja staju absalutna na tych ža pazicyjach, žyćcio kožnaha biełarusa, jaki paciarpieŭ ad represij režymu Łukašenki, źjaŭlajecca kaštoŭnaściu, bazavaj kaštoŭnaściu. I za žyćcio kožnaha biełarusa, jaki znachodzicca ŭ turmie, treba zmahacca», — zajaviŭ Usaŭ.
Jon dadaŭ, što spačatku nieabchodna vyratavać žyćci ŭsich palitviaźniaŭ, a potym užo spračacca.
«My pavinny ich vyciahvać z turmy», — skazaŭ Usaŭ.
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory12
Kamientary