Ekołaha Taspajeva ź Miadzieła ciahali pa administratyŭkach — a ciapier za heta ž zaviali i kryminalnuju spravu
Stanisłaŭ Taspajeŭ zmahaŭsia za rodny horad. Ciapier jamu pahražaje da čatyroch hadoŭ kałonii.
Stanisłavu Taspajevu 48 hadoŭ. Rodam jon ź Miadzieła.
Kali Stanisłaŭ byŭ mały, siamja pierajechała za 7000 kiłamietraŭ ad Biełarusi. Jany pierasialilisia ŭ siało Małakurylskaje na vostravie Šykatan, jakija ŭvachodzić u šerah Kurylskich astravoŭ. Tam znachodziŭsia najbujniejšy ŭ SSSR rybapierapracoŭčy kambinat. Stanisłaŭ pražyŭ tam 15 hadoŭ i skončyŭ škołu.
Paśla Taspajeŭ viarnuŭsia ŭ Biełaruś. U siaredzinie 1990-ch jon adkryŭ IP u Miadzielskim rajonie.
Žyŭ Stanisłaŭ u domie pradzieda ŭ vioscy Kačarhi pobač z vozieram Miastra.
Mužčyna zachaplajecca fatahrafijaj, i heta była adna z krynicaŭ jaho dachodu. Zarablaje i kampjutarnymi pasłuhami. Miarkujučy pa sacsietkach, jašče padpracoŭvaŭ rabočym — naprykład, u 2023 hodzie mantavaŭ rekłamu na biłbordy.
Akramia pracy, Stanisłaŭ zajmaŭsia ekałahičnymi prablemami Miadzieła i vakolicaŭ, abaraniaŭ pryrodu.
U sacsietkach jon raskazvaŭ pra Miadzielščynu, a ŭ 2014-m daŭ vialikaje intervju Anłajnieru, pravioŭšy žurnalistaŭ ściežkami horada i vakolicaŭ.
Taksama Stanisłaŭ byŭ rajonnym kaardynataram prajekta «IT-kraina», jaki finansavała IT-kampanija «Biełchard».
U śniežni 2021 hoda stała viadoma, što Taspajeva asudzili na dva hady chatniaj chimii za «paklop» (art. 188 KK). Zhodna z raskładami sudoŭ, za apošnija paŭhoda jaho dvojčy sudzili pa administratyŭnych spravach — za parušeńnie praviłaŭ utrymańnia žyvioł u mai 2023 hoda i za parušeńnie paradku praviadzieńnia masavych mierapryjemstvaŭ u mai 2024 hoda.
Sud nad Stanisłavam, ale ŭžo pa kryminalnaj spravie, pačniecca 4 kastryčnika 2024 hoda ŭ sudzie Miadzielskaha rajona.
Vinavaciać jaho pa dvuch artykułach — «dyskredytacyja Biełarusi» (art. 369-1 KK) i «nieadnarazovaje parušeńnie paradku arhanizacyi abo praviadzieńnia masavych mierapryjemstvaŭ» (art. 342-2 KK).
Dahetul pa apošnim artykule, nakolki viadoma, asudzili tolki čatyroch čałaviek — Alaksandra Kutasa, Andreja Kunceviča, Uładzimira Bułaŭskaha i Mikałaja Mašarskaha.
Taspajevu pahražaje da čatyroch hadoŭ kałonii sa štrafam. U čym sutnaść spravy — nieviadoma. Niezrazumieła taksama, mužčyna za kratami abo na voli pad padpiskaj.
«Naša Niva» — bastyjon biełaruščyny
PADTRYMAĆ
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
P.S. Kali ŭžo ad ludziej adčepiacca...