Hienprakuror Švied abmierkavaŭ u Armienii pytańnie vydačy biełarusaŭ pa zapytach režymu
Pres-słužba Hienieralnaj prakuratury paviedamiła, što jaje kiraŭnik Andrej Švied padčas sustrečy ŭ Jerevanie sa svajoj armianskaj kalehaj Hannaj Vardapiecian padniaŭ pytańnie vydačy ŭ Biełaruś jaje hramadzian, abvinavačanych i asudžanych pa kryminalnych spravach.
Padkreślivajecca, što baki «abmierkavali pytańni akazańnia ŭzajemnaj pravavoj dapamohi pa kryminalnych spravach».
U svaju čarhu, Hienprakuratura Armienii ŭ svaim paviedamleńni ab razmovach sa Šviedam na hetym aśpiekcie akcentu nie rabiła.
«Hanna Vardapiecian i Andrej Švied abmierkavali šerah pytańniaŭ, jakija ŭjaŭlajuć uzajemnuju cikavaść», — havorycca ŭ jaje relizie.
Švied pryjechaŭ u Jerevan u składzie biełaruskaj delehacyi dla ŭdziełu ŭ 34-m pasiadžeńni Kaardynacyjnaj rady hienieralnych prakuroraŭ krain SND.
Apošnim časam, paśla paharšeńnia palityčnych adnosin z Rasijaj i Biełaruśsiu, Armienija admaŭlajecca vydavać režymu Łukašenki hramadzian Biełarusi, u kryminalnym abvinavačańni jakich na radzimie jość palityčny padtekst. Choć niekalki biełarusaŭ ciaham apošniaha hoda zatrymlivalisia ŭ Armienii praz zapyty biełaruskaj Hienprakuratury, ich nie tolki nie vydavali ŭ Biełaruś, ale i nadavali ŭ vypadku patreby palityčny prytułak.
Nikoł Pašynian zajaviŭ pra hatoŭnaść nieadkładna padpisać mirnuju damovu z Azierbajdžanam
Łapšyn miarkuje, što inicyjataram jaho zatrymańnia ŭ Armienii staŭ pasoł Kaniuk
U Jerevanie pa biełaruskim zapycie zatrymlivali błohiera Aleksandra Łapšyna
U Armienii zajavili pra praduchileńnie dziaržaŭnaha pieravarotu. Ślady viaduć u Rasiju
Pašynian: ADKB stvaraje pahrozy dla biaśpieki Armienii
Biełaruska Dzijana Maisiejenka, zatrymanaja ŭ Armienii za ŭdzieł u pratestach-2020, užo na voli
Kamientary