Łapšyn miarkuje, što inicyjataram jaho zatrymańnia ŭ Armienii staŭ pasoł Kaniuk
Błohier-padarožnik Alaksandr Łapšyn, jaki siońnia byŭ na niekalki hadzin zatrymany ŭ jerevanskim aeraporcie «Zvartnoc», sam napisaŭ pra toje, jak heta było i chto ŭ hetym vinavaty.
Pavodle słoŭ Łapšyna, jon pravioŭ 4 hadziny spačatku ŭ jerevanskim aeraporcie, a paśla ŭ adździaleńni palicyi.
Spačatku adzin z palicejskich u aeraporcie skazaŭ błohieru, što zapyt na jaho zatrymańnie nibyta pryjšoŭ z Azierbajdžana, ale ŭ adździaleńni vyjaviłasia, što zacikaŭlenaść u pieraśledzie Łapšyna vykazvaje režym Łukašenki. Abvinavačvańni jamu składalisia z 7 artykułaŭ biełaruskaha Kryminalnaha kodeksa, siarod jakich byli i «abraza honaru i hodnaści prezidenta Biełarusi, i «zakliki da źviaržeńnia demakratyčna abranaha prezidenta Biełarusi».
«Inicyjataram majho zatrymańnia ŭ Jerevanie vystupiŭ pasoł Biełarusi ŭ Armienii Alaksandr Kaniuk.
Jon byŭ hienprakuroram Biełarusi ŭ 2017 hodzie i mienavita jon padpisaŭ pastanovu ab ekstradycyi mianie ŭ Azierbajdžan za naviedvańnie Arcacha ŭ jakaści žurnalista.
Pavodle majoj infarmacyi, jon padzialiŭsia z adnym z dypłamataŭ u Jerevanie, što raspravicca sa mnoj i znojdzie sposab heta zrabić. Heta jahony adkaz».
Łapšyn dziakuje armianskamu pravasudździu za toje, što jano admoviła Biełarusi ŭ jahonym aryšcie i ekstradycyi, i ciešycca, što
«Łukašenka, jaki pradaŭ mianie Alijevu ŭ 2017 za naviedvańnie Arcacha, atrymaŭ zvonkuju aplavuchu ad Armienii. A pasoł Kaniuk atrymaŭ vyśpiatka pad rastłuścieły prakurorski azadak».
Alaksandr Kaniuk zajmaŭ pasadu hienieralnaha prakurora Biełarusi ŭ 2011-2020 hadach, ale byŭ ź jaje źniaty 9 vieraśnia 2020 hoda, roŭna praź miesiac paśla sfalsifikavanych prezidenckich vybaraŭ i pačatku masavych narodnych pratestaŭ. 19 listapada 2020 hoda jon byŭ pryznačany pasłom Biełarusi ŭ Armienii i zajmaje hetuju pasadu dahetul.
Alaksandr Łapšyn dahetul užo mieŭ sutyknieńnie z Kaniukom u jaho novaj jakaści. 7 maja 2021 hoda ŭ Jerevanie na mižnarodnaj turystyčnaj vystavie IntourExpo, kudy abodva byli zaprošanyja ŭ jakaści hanarovych haściej, błohier demanstratyŭna admoviŭsia pacisnuć ruku pasłu, a paźniej vykazaŭsia za vyhnańnie Alaksandr Kaniuka z Armienii. Svaje dziejańni jon arhumientavaŭ tym, što mienavita podpis Kaniuka staić pad jahonymi ekstradycyjnymi dakumientami ŭ Azierbajdžan. Taksama błohier abvinavaciŭ Kaniuka ŭ datyčnaści da hvałtoŭnaha zadušeńnia mirnych pratestaŭ u Biełarusi.
Za ŭdzieł u zadušeńni pratestaŭ Kaniuk, darečy, vosieńniu 2020 hoda byŭ uklučany ŭ sankcyjnyja śpisy Jeŭrasajuza i inšych krain.
U Jerevanie pa biełaruskim zapycie zatrymlivali błohiera Aleksandra Łapšyna
Błohier Łapšyn zajaviŭ, što tajamniča atrymaŭ kampramat suprać Biełarusi. Hienprakuratura piarečyć
Błohier Łapšyn śćviardžaje, što na Vaładarcy achoŭniki źviartalisia da jaho «rusiš švajne»
Departavanaha ź Biełarusi błohiera prysudzili da troch hadoŭ za pajezdku ŭ Nahorny Karabach
Biełaruś vydaść Azierbajdžanu błohiera Łapšyna, jakoha abjavili ŭ vyšuk za naviedvańnie Nahornaha Karabacha
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary
Točnym kosy!