Futbolny salihorski «Šachcior» upieršyniu ŭ historyi vylecieŭ z vyšejšaj lihi. Jak tak vyjšła?
Harniaki stracili matematyčnyja šancy na vyratavańnie. A vinoj usiamu dahavornyja matčy dvuchhadovaj daŭniny.
Salihorski «Šachcior» upieršyniu ŭ suvierennaj historyi vylecieŭ z vyšejšaj lihi čempijanatu Biełarusi pa futbole.
U matčy 24-ha tura harniaki prajhrali minskamu «Dynama» ź likam 0:3. Za šeść turaŭ da kanca «Šachcior» zajmaje apošniaje miesca z adnym bałam u aktyvie. Navat šeść pieramoh u astatnich sustrečach nie dapamohuć salihorskaj kamandzie zastacca ŭ elicie.
Vinoj usiamu skandał z damoŭnymi matčami dvuchhadovaj daŭniny. U 2022 hodzie salihorcy vyjhrali čaćviorty čempijonski tytuł. Adnak paźniej vyśvietliłasia, što kiraŭnictva kłuba finansava stymulavała inšyja kamandy pierad matčami z pramymi kankurentami «Šachciora», a taksama prapanoŭvali arhanizavać niekalki damoŭnych matčaŭ.
U vyniku «Šachcior» byŭ pazbaŭleny čempijonstva i aštrafavany. Taksama kłub pazbavili 30 ačkoŭ na starcie siezona-2023 i 20 ačkoŭ u siezonie-2024. U vyniku kamandu pakinuli bolšaść viadučych hulcoŭ.
Ciapierašni čempijanat «Šachcior» pačynaŭ z «-20» ačkami ŭ tablicy. Pa vynikach 24 turaŭ kamandzie ŭdałosia vyjści ź minusu, atrymaŭšy piać pieramoh i šeść razoŭ zhulaŭšy ŭničyju, adnak ad pieršaha ŭ historyi vyletu heta harniakoŭ nie vyratavała.
«Šachcior» trojčy vyjhravaŭ suvierenny čempijanat Biełarusi, pa kolkaści tytułaŭ jon sastupaje tolki minskamu «Dynama» i BATE.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
Nu choć hod biełmovy budzie papularny