Śviet77

Tusk choča pastrožyć mihracyjnuju palityku ŭ Polščy, ale aktyŭna pryciahvać pracoŭnyja resursy

Premjer-ministr Polščy Donald Tusk 12 kastryčnika pradstaviŭ svaju stratehiju baraćby ź nielehalnymi mihrantami ŭ Polščy i ŭsim Jeŭrasajuzie. Stratehija atrymała nazvu «Viarnuć kantrol, harantavać biaśpieku». Siarod klučavych jaje prapanoŭ — «časovaje terytaryjalnaje prypynieńnie prava na prytułak».

Donald Tusk. Fota: AP Photo/Wojciech Strozyk

«Ja budu patrabavać prava pryznać heta rašeńnie ŭ Jeŭropie, — paabiacaŭ Donald Tusk na źjeździe kiroŭnaj partyi «Hramadzianskaja płatforma».

Havorka idzie pra zakon Jeŭrasajuza, jaki dazvalaje ŭsim nielehałam, jakija prybyli na jaho terytoryju, patrabavać razhladu prośby ab prytułku. Pavodle polskaha premjera, mienavita na hety zakon spadziajucca mihranty, jakija sprabujuć nielehalna pierasiačy miažu Biełarusi i Polščy.

Donald Tusk zajaviŭ, što «dziaržava pavinna adnavić 100-pracentny kantrol nad tymi, chto pryjazdžaje ŭ Polšču».

«My źviadziom da minimumu niezakonnuju mihracyju ŭ Polščy, my vykaranim tyja praktyki, jakija faktyčna abychodzili polskija intaresy i parušali biaśpieku palakaŭ i polskaj dziaržavy. I my likvidujem hetyja praktyki da nula», — skazaŭ Tusk.

«Siońnia heta absalutna najvažniejšaja reč u Polščy, Jeŭropie i śviecie — dać dobry, sumlenny, a taksama prystojny, ale adnačasova žorstki adkaz na hetyja zvanki i strachi, jakija ŭźnikajuć u suviazi z masavymi mihracyjami, vialikim mihracyjnym ciskam, a taksama palitykaj varožych dziaržaŭ, jakija arhanizujuć hetuju niezakonnuju mihracyju», — zajaviŭ jon. 

Ale pry hetym Donald Tusk paabiacaŭ pryciahvać u krainu nieabchodnyja pracoŭnyja resursy, što zakranie i biełarusaŭ.

«Dziaržava niasie adkaznaść za pryciahnieńnie ŭ Polšču ludziej, jakija chočuć sumlenna pracavać, płacić padatki, intehravacca ŭ polskaje hramadstva i vučycca ŭ sapraŭdnym univiersitecie. I heta ludzi, jakija potym zasłuhoŭvajuć pavahi», — padkreśliŭ kiraŭnik polskaha ŭrada.

Taksama jon paabiacaŭ spraścić pracedury dla inšaziemcaŭ, u jakich jość polskija karani. Vierahodna, u hetuju katehoryju trapiać i ŭładalniki «karty palaka».

«My płanujem palityku paskoranaha viartańnia palakaŭ i ludziej polskaha pachodžańnia z polskaj dyjaspary, z-za miažy», — zajaviŭ Tusk.

Kamientary7

  • Juzef
    12.10.2024
    U Biełarusi 1,2 miljona katalikoý z adnolkavaj za palakami relihijaj, tradycyjami i cviatami (ličy palakaý, ale z "Kresaý"). Navat kali pałovu ad ich pieramanić to možna zakryć niekatoryja patreby na polskim rynky pracy. Heta dla palakaý kudy lepš čym mihranty z Banhładeša ci Pakistana.
  • Mihranty
    13.10.2024
    Spadaru Donaldzie, my spadziajemsia dabiehčy praz PNR ŭ Čaćviorty Rajch, kab tam ŭžo atrymlivać der sacyjal
  • Ćchu
    13.10.2024
    Juzef, toje ž samaje robić impierskaja maskva, razdajučy ŭsim zapar svaje pašparty z dvuchhałovaj kurycaj dy padzialajučy ludziej pa relihii, toje ž samaje sprabuje rabić i varšava, razdajučy svaje kartki dy pašparty z adnahałovaj kurycaj. Aboje raboje, adnyja paŭsiul ŭstaloŭvajuć svaje cybuliny i praź ich nasaždajuć svoj rasijski impieryjalizm, a druhija ličać kali ty katalik to ciabie adrazu možna zapisvać u palaki, tym samym nasadžajučy polski. Tamu takich abodvuch susiedziaŭ tak i chočacca pasłać pa adpaviednamu maršrutu: adnych u nakirunku krejsiera maskva, a druhich u advarotny bok.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj27

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić