Łosik: Inkamunikada? Kožny razumny čałaviek pavinien byŭ vyznačycca jašče ŭ 2014-m, čyj Krym
Na pres-kanfierencyi adrazu paśla vyzvaleńnia, jakaja prajšła va Ukrainie, Viktaru Babaryku i Maryi Kaleśnikavaj zadavali šmat pytańniaŭ pra vajnu. Jany tłumačyli, što ŭvieś čas u źniavoleńni mieli dostup tolki da dziaržaŭnaha telebačańnia, tamu skłaści karcinu całkam pakul składana. Błohier i były palitviazień Ihar Łosik, jaki byŭ zatrymany ŭ červieni 2020 hoda i vyzvaleny ŭ vieraśni 2025-ha, adreahavaŭ na pačutaje.
«Navat u režymie inkamunikada byli roznyja šlachi daviedvacca pra padziei vajny va Ukrainie, i paśla vyzvaleńnia ŭsie, z kim ja razmaŭlaŭ, ździŭlalisia, adkul ja amal usio viedaju. Bo źniavolenyja ŭ łahiery tolki hetymi navinami i žyli, i dzialilisia adny z adnym. A hledziačy BT prosta ŭklučali krytyčnaje myśleńnie i rabili pravilnyja vysnovy. Heta viedaje navat niemaŭla.
Ale pohlady «čyj Krym» i «chto ahresar» u mianie sfarmavalisia nie paśla vajny i nie paśla taho, jak maje ŭkrainskija svajaki pajšli vajavać dobraachvotnikami z samaha pačatku i zahinuli tam ad pucinskich vojskaŭ. Mnie zdajecca, kožny darosły i razumny čałaviek pavinien byŭ vyznačycca jašče ŭ 2014 hodzie, kali Pucin akupavaŭ Krym i Danbas i źbiŭ małajzijski «Boinh». Dziŭna, u 2025, hodzie navat uličvajučy šmat hadoŭ adsidki, nie zmahčy adkazać na hetyja prostyja pytańni», — napisaŭ Łosik u fejsbuku.
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
-
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
Kamientary
80-hadovyja babuli žyvuć u takim ža inkamunikada.
Ale, kali raptam zachočaš viarnucca ŭ hulniu, toje adkidvać sponsaraŭ navošta?
ŭ 1991, na samoj spravie. Dziakuj Bohu parazumieli z 2020, atrymali žachlivuju lekcyju , siońnia 96% za niezaležnaść