Departavanyja va Ukrainu palitviaźni praviaduć tam jašče niekalki dzion
«Ludzi znachodziacca ŭ biaśpiecy, majuć ciapło, śviatło i suviaź», — adznačyła kiraŭnica Misii demakratyčnych sił Biełarusi ŭ Kijevie Śviatłana Šacilina.
13 śniežnia byli vyzvalenyja i departavanyja va Ukrainu 109 palitviaźniaŭ ź Biełarusi.
14 śniežnia kiraŭnica Misii demakratyčnych sił Biełarusi ŭ Kijevie Śviatłana Šacilina i pradstaŭnik Abjadnanaha pierachodnaha kabinieta ŭ pytańniach biaśpieki i abarony Vadzim Kabančuk sustrelisia z ukrainskimi pradstaŭnikami, a taksama ź niekatorymi vyzvalenymi palitviaźniami. Paviedamlajecca, što palitviaźniam stvorany kamfortnyja ŭmovy znachodžańnia i akazvajecca nieabchodnaja miedyčnaja i psichałahičnaja dapamoha.
«Ludzi znachodziacca ŭ biaśpiecy, majuć ciapło, śviatło i suviaź», — adznačyła Šacilina.
«Usie atrymlivajuć nieabchodnuju dapamohu. Heta daje ludziam čas spakojna pieradychnuć i sabracca z dumkami. Ciaham niekalki dzion usie vyzvalenyja prachodziać standartnyja ŭkrainskija pracedury. Paśla hetaha budzie arhanizavany nieabchodny transpart dla ich pieramiaščeńnia na terytoryju Jeŭrapiejskaha sajuza. Ofis Cichanoŭskaj kaardynuje pracu z Polščaj, Litvoj i jeŭrapiejskimi partniorami».
Kamientary