Krainy brytanskaj Sadružnaści padpisali dakumient ab kampiensacyi Vialikabrytanijaj škody ad handlu rabami
Pa vynikach dvuchdzionnaha samitu krain Sadružnaści kiraŭniki ŭradaŭ hetaha abjadnańnia (bolšaść udzielnikaŭ jakoha — byłyja brytanskija kałonii) abviaścili, što pryjšoŭ čas pačać dyjałoh ź Vialikabrytanijaj ab nieabchodnaści kampiensacyi škody, naniesienaj hetym krainam transatłantyčnym handlem rabami i ekspłuatacyjaj rabskaj pracy. Sama Vialikabrytanija taksama padpisała dakumient, ale z adnym niuansam.
U pryniatym pa vynikach samitu kamiunikie, padpisanym kiraŭnikami ŭradaŭ usich 56 krain-udzielnic brytanskaj Sadružnaści, u tym liku i premjer-ministram Vialikabrytanii Kiram Starmieram, utrymlivajecca zaklik da «abmierkavańnia pytańnia ab kampiensacyi naniesienaj Łondanam škody za biesčałaviečny transatłantyčny handal rabami». U zajavie ŭdakładniajecca, što pryjšoŭ čas dla «źmiastoŭnaj, praŭdzivaj i pavažlivaj razmovy» pa hetaj temie, paviedamlaje Ruskaja słužba Bi-bi-si.
Krainy Sadružnaści patrabujuć ad Vialikabrytanii reparacyj za ŭvieś pieryjad transatłantyčnaha rabahandlu. Adnak Łondanu hetaja ideja nie padabajecca.
Jak piša ahienctva, Starmier pahadziŭsia ź nieabchodnaściu pačać dyjałoh, ale pry hetym zajaviŭ, što pytańni pamieru vypłat na sustrečy nie abmiarkoŭvalisia i što Vialikabrytanija «vielmi vyrazna i paśladoŭna» prytrymlivajecca pazicyi, što vypłačvać reparacyi byłym kałonijam nie budzie.
Kančatkovaja suma reparacyj moža skłaści jak minimum 24 tryljony dalaraŭ (što ekvivalentna pamieru amal usiaho publičnaha dziarždoŭhu ZŠA, abo paŭtara VUP usiaho Jeŭrasajuza. — «NN»).
Patencyjnyja reparacyi ad Vialikabrytanii, pavodle ekśpiertaŭ, mohuć prymać roznyja formy, uklučajučy finansavyja vypłaty, śpisvańnie daŭhoŭ, aficyjnyja prabačeńni, adukacyjnyja prahramy, stvareńnie muziejaŭ i manumientaŭ, ekanamičnuju padtrymku i dapamohu ŭ halinie achovy zdaroŭja.
Sadružnaść nacyj (brytanskaja Sadružnaść) była stvoranaja ŭ 1949 hodzie. Ciapier u hetuju arhanizacyju ŭvachodziać 56 dziaržaŭ, i jana prajaŭlaje hatoŭnaść prymać u svoj skład novyja krainy, navat kali niekatoryja ź ich, jak Mazambik ci Ruanda, nikoli nie byli brytanskimi kałonijami abo zaležnymi ad Brytanskaj Impieryi terytoryjami.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
ściaśniajusia sprasić - a chto kali vypłacić što indziejcam?