Danija dazvolić biełarusam zastavacca z praterminavanymi pašpartami
U Isłandyi Śviatłana Cichanoŭskaja praviała pieramovy ź ministrami zamiežnych spravaŭ Paŭnočnych krainaŭ: Maryjaj Malmier Stenierhard (Šviecyja), Tordzis Hilfadocir (Isłandyja), Eśpienam Bartam Ejde (Narviehija), Elinaj Vałtanien (Finlandyja), Łarsam Lokie Rasmusienam (Danija), paviedamlaje jaje pres-słužba.
U pryvatnaści, było damoŭlena pra ŭrehulavańnie pravavoha statusu biełarusaŭ Danii: pryniataja pastanova, jakaja dazvolić biełarusam zastavacca z praterminavanymi pašpartami i atrymlivać pašparty zamiežnika, kali jany nie mohuć viarnucca ŭ Biełaruś.
Taksama Isłandyja praciahnie padtrymlivać Jeŭrapiejski humanitarny ŭniviersitet, niezaležnyja miedyja i hramadzianskuju supolnaść. Danija — Mižnarodnuju płatformu zboru dokazaŭ złačynstvaŭ režymu. Šviecyja — hramadzianskuju supolnaść, kulturnickija inicyjatyvy i stypiendyjalnyja prahramy dla biełarusaŭ.
Kamientary