Donald Tramp, jaki pieramoh na prezidenckich vybarach u ZŠA, sustreŭsia ź dziejnym prezidentam Džo Bajdenam u Biełym domie. Sustreča abranaha prezidenta z adychodziačym — daŭniaja tradycyja amierykanskaha palityčnaha žyćcia.
Padčas sustrečy Bajden skazaŭ, što maje namier mirna pieradać uładu nastupnamu prezidentu, a Tramp adkazaŭ, što hety praces projdzie «nastolki hładka, nakolki heta mahčyma», piša VVS.
«Spadar abrany prezident i były prezident, Donald, vinšuju! My chočam zabiaśpiečyć hładkuju pieradaču ŭłady i zrobim usio mahčymaje, kab u vas było ŭsio nieabchodnaje, — skazaŭ Bajden Trampu. — Siońnia my zmožam abmierkavać niekatoryja z hetych pytańniaŭ. Sardečna zaprašajem – i ź viartańniem!»
«Palityka — surovaja reč, a śviet naohuł časta nie vielmi pryjemnaje miesca. Ale siońnia jon pryjemny, i ja heta vielmi šanuju», — skazaŭ Tramp, paśla čaho abodva palityka pacisnuli ruki.
Padčas pieradvybarnaj kampanii Tramp i Bajden žorstka krytykavali adzin adnaho i apošni raz sustrakalisia padčas debataŭ u červieni. Nieŭzabavie paśla ich Bajden vyjšaŭ z honki na fonie aściaroh adnosna jaho ŭzrostu i zdolnaści vykonvać abaviazki prezidenta.
Sustreča abranaha prezidenta z adychodziačym — daŭniaja tradycyja amierykanskaha palityčnaha žyćcia.
Adnak paśla prezidenckich vybaraŭ 2020 hoda, jakija Tramp prajhraŭ, ale admoviŭsia pryznać paražeńnie, takaja sustreča z Bajdenam nie adbyłasia: tahačasny prezident admoviŭsia jaho zaprasić.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary
taksama kryŭdlivy, jak vusaty?