Prapahandysty pračytali novuju lekcyju za Łukašenku pad nazvaj «Dyktat? Ura!»
Azaronak i Lebiedzieva raskazvali žycharam Rečycy pra toje, što «dyktatura — naš brend».
Čarhovuju dyjałohavuju placoŭku — tak u Biełarusi nazyvajucca prapahandysckija lekcyi dla biudžetnikaŭ i supracoŭnikaŭ dziaržpradpryjemstvaŭ — pravodzić praŭładnaja arhanizacyja «Patryjoty Biełarusi».
Hetym razam lekcyja prachodziła ŭ Rečycy. Maderataram papracavała viadučaja BT Ksienija Lebiedzieva, vystupali jaje kaleha z STB Ryhor Azaronak, a taksama praŭładny ekśpiert Dźmitryj Švajba.
Padbor temaŭ namiakaje na pieradvybarčuju ahitacyju za adnaho z kandydataŭ, jakaja, darečy, pakul zabaronienaja. Tak, słuchačam prapanoŭvałasia abmierkavać «30-hadovy šlach niezaležnaj Biełarusi» — niahledziačy na toje, što Biełaruś atrymała niezaležnaść 33 hady tamu, dziaržaŭnaja prapahanda śćviardžaje, što nibyta realny suvierenitet krainie dastaŭsia tolki z prychodam da ŭłady Łukašenki.
Taksama siarod tem — «dasiahnieńni i pieratvareńni va ŭsich śfierach: ad ekanamičnaj da sacyjalnaj», «dyktatura — heta naš brend». Aŭtaram apošniaj frazy źjaŭlajecca pres-sakratarka Łukašenki Natalla Ejsmant, jakaja sprabuje nadać narmalnaść terminu «dyktatura» praz roznyja kulturnyja formy. Naprykład, niadaŭna dla Łukašenki napisali «Baładu pra dyktatara».
Darečy, sam Łukašenka błytajecca ŭ pakazańniach nakont taho, ci možna nazyvać jaho dyktataram. Tak, u listapadzie jon zajaviŭ, što ŭ Biełarusi jość dyktatura, jakuju jon, praŭda, nazvaŭ dyktaturaj «spraviadlivaści i dabra». A zusim niadaŭna jon raptam skazaŭ, što baicca pravadyrstva, a «dyktatura ŭ Biełarusi niemahčymaja, tamu što jana — nie ZŠA».
«NATA naŭmysna pastaŭlała Ukrainie kroŭ, zaražanuju VIČ i hiepatytam». Chto puściŭ hetuju dezu?
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii
Prapahandysty vypadkova paviedamili, kolki płaciać za stvareńnie kryndžovych stykieraŭ da Dnia narodnaha adzinstva
U 52 hady pamior łukašenkaŭski prapahandyst Dźmitryj Krat
Na «Marafonie adzinstva» ŭ Mahilovie Marzaluk hramiŭ vorahaŭ słovami Karatkieviča
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
Jaki dyktatar takaja i ekanomika.