Čad spyniaje vajennaje supracoŭnictva z Francyjaj. Heta rašeńnie moža pryvieści da vyvadu francuzskich vojskaŭ z hetaj krainy, piša Bi-bi-si.
Kiraŭnik MZS Čada Abderaman Kułamałach udakładniŭ, što havorka nie idzie ab poŭnym razryvie, «jak u Nihiery ci dzieści jašče».
Sa słoŭ Kułamałacha, Francyja pavinna ŭličvać, što Čad «vyras, staŭ saśpiełaj i źjaŭlajecca suvierennaj dziaržavaj».
Raniej adnosiny z Paryžam pierahledzieli i inšyja byłyja Francuzskija kałonii ŭ Afrycy-Mali, Burkina-Faso i Nihier. Z CAR Francyja razarvała stasunki sama ŭ 2022 hodzie na fonie vajskovaj prysutnaści RF.
Hod tamu prezident Francyi Emanuel Makron zajaviŭ pra «epidemiju putčaŭ» u frankamoŭnaj Afrycy.
Na jaho dumku, ich vyklikaŭ «mudrahielisty sajuz pamiž samaabvieščanymi panafrykancami i nieaimpieryjalistami», i pad nieaimpieryjalistami jon mieŭ na ŭvazie Rasieju i Kitaj.
Va ŭsich afrykanskich krainach, jakija pierahledzieli stasunki z Francyjaj u apošnija hady, była zafiksavanaja prysutnaść najmitaŭ, vajskovych daradcaŭ i palittechnołahaŭ z Rasii. Mnohija ź ich byli niepasredna źviazany ź Jaŭhienam Pryhožynym.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»7
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary