Babaryka raskazaŭ pra «kruhły stoł» u SIZA KDB i svoj chod dumak u 2020-m
«Ja dumaju, što dla nas sustreča ŭ SIZA była bieskarysnaj, za vyklučeńniem łaźni, u jakuju nas zvadzili pamycca».
Viktar Babaryka ŭ intervju błohiercy Taćcianie Martynavaj zhadaŭ «kruhły stoł» z Łukašenkam u SIZA KDB 11 kastryčnika 2020 hoda.
«Ja nie vielmi razumieju rečy, kali ciabie budziać, ničoha nie tłumačać, pryvodziać i kažuć: «Ciapier niešta skažy». (…) Ja nie nadta razumieju, navošta heta było».
«Ja miarkuju, što dla nas jana była bieskarysnaj, za vyklučeńniem łaźni, u jakuju nas zvadzili pamycca… Voś heta adzinaja karyść. Ale nie my hetuju sustreču arhanizoŭvali, — adznačyŭ Babaryka.
— Ja ŭdziačny za toje, što ja ŭbačyŭ tam svajho syna, svaich siabroŭ, usich, kaho ja tam nie bačyŭ. Nam udałosia pahavaryć, u nas adbylisia dźvie sustrečy. Usio heta supier. Usio astatniaje — heta było nie dla nas».
Babaryka parazvažaŭ i nakont inšych pytańniaŭ. Jon paŭtaryŭ svaju dumku pra toje, što biełarusy ŭ 2020‑m nie prajhrali. «My vyjhrali. Nam prosta nie dali miedali».
Babaryka taksama rastłumačyŭ, što kali išoŭ u prezidenty ŭ 2020-m, to adnym ź jaho pasyłaŭ było toje, što na praciahu papiarednich kampanij sadzili paśla vybaraŭ, a nie da.
«To-bok i sadzili pieramožanych, i zusim krychu. Heta byli padzatylniki pieramožcy».
«I zvyčajnych ludziej nie sadzili, u pryncypie?» — udakładniła Martynava.
«Absalutna słušna», — adkazaŭ Babaryka.
Były bankir i palitviazień taksama vykazaŭsia pra tysiačy biełarusaŭ, jakija paśla 2020 hoda źjechali z krainy. Jon adznačyŭ, što dla krainy, ź jakoj źjazdžajuć, heta našmat bolšaja prablema, čym dla samich ludziej, jakija źjechali.
«Biełaruś pavinna płakać pa tych, chto źjazdžaje z krainy. A tyja, chto źjazdžaje z krainy — pavinny płakać, ale jany pavinny razumieć, što napraŭdu… Jany prajhrajuć, biezumoŭna, jany pazbaŭlajucca šmat čaho — ale značna bolšy projhryš toj krainy, ź jakoj jany źjazdžajuć».
Jon dadaŭ, što dzieci tych, chto ciapier źjechaŭ, «buduć žyć značna lepš, čym tyja, chto zastaŭsia i pahadziŭsia».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary