Zdareńni11

Supracoŭnik dziciačaha sadka z Aŭstralii na praciahu 20 hadoŭ hvałtavaŭ dziaciej

Achviarami piedafiła stali 73 dziciaci z Aŭstralii i Italii. Złačynca pryznaŭ svaju vinu pa 307 vypadkach.

Ashley Griffith Ešli Hrifit Ešli Hryfit
Ešli Hryfit. Skryn videa: SkyNewsAustralia / YouTube

Jak piša The Guardian, były supracoŭnik dziciačaha sadka Ešli Hryfit (Ashley Griffith) byŭ prysudžany akruhovym sudom Kvinślenda (Aŭstralija) da pažyćciovaha źniavoleńnia za seksualnyja złačynstvy suprać 73 dziaŭčynak va ŭzroście da piaci hadoŭ, jakija znachodzilisia pad jaho apiekaj.

Jon pryznaŭ vinu ŭ 307 epizodach, siarod jakich 15 datyčać «paŭtornych seksualnych kantaktaŭ», 28 — zhvałtavańniaŭ, 190 — nieprystojnych dziejańniaŭ u dačynieńni da dziaciej, jakija znachodzilisia pad jaho apiekaj, i 67 — stvareńnia materyjałaŭ, źviazanych z ekspłuatacyjaj dziaciej.

Svaju złačynnaj dziejnaściu mužčyna zajmaŭsia na praciahu 20 hadoŭ (z 2003 pa 2022 hod) u 11 dziciačych ustanovach u Bryśbienie (stalica štata Kvinślend u Astralii) i adnoj u Pizie (Italija).

Na kampjutary Hryfita śledčyja znajšli sistematyzavanyja fajły z fatahrafijami dzietsadaŭskich hrup, źviestkami pra dziaciej i videazapisy jaho złačynnych dziejańniaŭ. Mužčyna pad psieŭdanimam Zimble z 2013 hoda zahružaŭ svaje zapisy na forumy piedafiłaŭ u darknecie.

Śledčyja šukali Zimble amal dziesiać hadoŭ, pakul u 2022 hodzie nie adbyŭsia praryŭ: na adnym z fotazdymkaŭ była zaŭvažana koŭdra peŭnaha brendu. Koŭdry hetaha brendu byli pradadzieny ŭ šerah dziciačych ustanoŭ Kvinślenda. Supastaviŭšy śpisy ŭstanoŭ, jakija nabyli hetyja koŭdry, sa śpisami ich supracoŭnikaŭ, śledčyja zmahli vyjści na Ešli Hryfita.

Psichijatryčnaja ekśpiertyza dyjahnastavała ŭ Hryfita «piedafilnaje rasstrojstva», ale nie vyjaviła inšych parušeńniaŭ ci faktaraŭ, jakija mahli b rastłumačyć jaho dziejańni. Mužčyna byŭ acenieny jak čałaviek z vysokim uzroŭniem seksualnych devijacyj i vysokaj ryzykaj paŭtareńnia złačynstvaŭ.

Ekśpierty adznačyli, što Hryfit nie prajaŭlaŭ empatyi da achviar i imknuŭsia apraŭdać svaje dziejańni, jakija nie sprabavaŭ spynić. Akramia taho, Hryfit aktyŭna dzialiŭsia paradami ŭ darknecie pra toje, jak ździajśniać złačynstvy suprać dziaciej, i svajoj stratehijaj, zasnavanaj na pošuku «bałansu pamiž minimizacyjaj ryzyk i vykarystańniem mahčymaściaŭ».

Na sudzie niekatoryja z baćkoŭ paciarpiełych raskazvali, što pasiabravali z vychavacielem i prymali jaho ŭ siabie doma.

46-hadovy złačynca pavinien adbyć minimum 27 hadoŭ pazbaŭleńnia voli, pierš čym atrymać prava na ŭmoŭna-daterminovaje vyzvaleńnie. Akramia taho, jamu mohuć być vystaŭlenyja dadatkovyja abvinavačvańni.

Kamientary1

  • anatam
    30.11.2024
    Oskapiť...

Ciapier čytajuć

Ceny na šakaład ździŭlajuć4

Ceny na šakaład ździŭlajuć

Usie naviny →
Usie naviny

Student prajhraŭ u karty i pajšoŭ u kramu pa šakaładku absalutna hoły7

Adznačyła svoj pieršy dzień naradžeńnia samaje niedanošanaje dzicia śvietu1

Pastavić namiot — ad 70 rubloŭ, šaŭrma pa 20, duš za 10: jak sielota prachodzić Viva Braslav13

«Siońnia my žyviem u kulturnym hramadstvie». Čamu haspadar niezvyčajnaj kramy samaabsłuhoŭvańnia na Paleśsi nie baicca kradziažoŭ2

Ułady zapeŭnivajuć, što paŭtornaha apoŭźnia ŭ viciebskim Viarchoŭi nie budzie

Biełaruś stała asnoŭnym imparcioram śvininy z Rasii. A raniej jana tudy miasa pradavała12

Tramp zajaviŭ, što amal spyniŭ čarhovuju vajnu3

Adna ź dziaržaŭ rychtujecca da pieršaj u śviecie płanavanaj mihracyi ŭsioj nacyi3

Na Minščynie zaŭvažyli dva mahčymyja tarnada

bolš čytanych navin
bolš łajkanych navin

Ceny na šakaład ździŭlajuć4

Ceny na šakaład ździŭlajuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić