Nieŭzabavie majuć źjavicca novyja banknoty jeŭra. Jany ŭžo vyklikali polska-francuzskija sprečki
Raboty nad novym dyzajnam banknot jeŭra ŭstupajuć u vyrašalnuju fazu. Choć Jeŭrapiejski centralny bank (JECB) płanuje ŭvieści ich tolki praź niekalki hadoŭ, adna z prapanoŭ užo vyklikała sprečku pamiž Varšavaj i Paryžam. Pytańnie: jak pavinna być napisana imia i proźvišča polskaj nobieleŭskaj łaŭreatki Maryi Składoŭskaj-Kiury, piša Euronews.
Novy dyzajn jeŭra — pamiž kulturaj i pryrodaj
U studzieni hetaha hoda Rada kiraŭnikoŭ JECB abviaściła dva finalnyja matyvy dla novych banknot: «Jeŭrapiejskaja kultura» i «Reki i ptuški». Prajekt, jaki atrymaje najbolšuju padtrymku hramadskaści i žury, budzie realizavany.
Matyŭ «Jeŭrapiejskaja kultura» maje na mecie pradstavić asob, jakija adyhrali važnuju rolu ŭ farmiravańni jeŭrapiejskaj identyčnaści. Siarod ich — dvojčy nobieleŭskaja łaŭreatka, pieršaadkryvalnica ŭ fizicy i chimii Maryja Składoŭska-Kiury.
Jaje vyjavu płanujuć źmiaścić na banknocie naminałam 20 jeŭra. Ilustracyja budzie pakazvać scenu z adukacyjnaha pracesu — žančynu, jakaja čytaje lekcyju ŭ zale, poŭnaj sšytkaŭ i knih.
Maryja, a nie Mary
Prablema ŭźnikła, kali JECB pradstaviŭ čarnavy varyjant nadpisu: Marie Curie (Skłodowska). Choć heta praduhledžvałasia jak kampramis, u Polščy takaja forma vyklikała chvalu abureńnia.
Dla mnohich palakaŭ zamiena polskaha imia na francuzski varyjant abo ihnaravańnie dziavočaha proźvišča — heta nie prosta farmalnaść, a pytańnie honaru. Heta ŭsprymajecca jak niedaacenka polskaha ŭniosku ŭ historyju Jeŭropy.
Palityčnaje vymiareńnie sprečki stała vidavočnym, kali polskija ŚMI i kamientatary adznačyli, što inšyja histaryčnyja asoby — jak Mihiel de Siervantes abo Ludvih van Bietchovien — zachavali svaje aryhinalnyja imiony va ŭsich moŭnych viersijach.
«Čamu Maryja pavinna być Mary, kali Majkł nie zamianiŭ Mihiela?» — zadajecca pytańniem Gazeta Wyborcza.
Maryja Składoŭska: polska-francuzskaja bijahrafija
Maryja Składoŭska naradziłasia ŭ Varšavie ŭ 1867 hodzie, kali horad znachodziŭsia pad rasijskaj uładaj. Tolki paśla pierajezdu ŭ Paryž jana pačała svaju mižnarodnuju navukovuju karjeru. Na praciahu žyćcia žančyna vykarystoŭvała roznyja varyjanty proźvišča — u čas šlubu padpisvałasia jak Składoŭska-Kiury, ale z časam usio čaściej — jak M. Kiury.
Novyja banknoty — praź niekalki hadoŭ
Praces zamieny starych banknotaŭ na novyja raściahniecca na niekalki hadoŭ. Rada kiraŭnikoŭ JECB vybiare najlepšyja prajekty ŭ 2026 hodzie. Paśla hetaha projdzie jašče niekalki hadoŭ da źjaŭleńnia banknotaŭ u abarocie. Sučasnyja banknoty jeŭra straciać siłu nie adrazu, a peŭny čas buduć chadzić paralelna.
JECB padkreślivaje, što ŭličvaje składanaść situacyi.
«My kansultujemsia z roznymi histaryčnymi i moŭnymi krynicami, kab vyznačyć najbolš pravilny zapis», — zapeŭnivaje pradstaŭnik banka.
Pavodle jaho, čarnavy varyjant Marie Curie (Skłodowska) pavinien adlustroŭvać padvojenuju identyčnaść nobieleŭskaj łaŭreatki.
Palaki ŭžo pryzvyčailisia da vyjavy Maryi Składoŭskaj-Kiury na banknotach — raniej jana ŭpryhožvała kupiuru naminałam 20 000 złotych.
Bolš, čym prosta banknota
Dla mnohich jeŭrapiejcaŭ novaja banknota z vyjavaj Maryi Składoŭskaj-Kiury budzie nie tolki srodkam apłaty. Heta budzie simvaličny žest — pryznańnie dasiahnieńniaŭ navukoŭki i napamin pra ahulnuju kulturnuju spadčynu Jeŭropy, u jakoj nie pavinna być miesca dla spraščeńniaŭ i skaračeńniaŭ.
Ci znojdzie Jeŭrapiejski centralny bank rašeńnie, jakoje zadavolić i polski, i francuzski bok? Čas pakaža. Da ŭviadzieńnia banknotaŭ u abarot jašče zastajecca čas — ale dla mnohich hramadzian Staroha kantynientu heta ŭžo siońnia pytańnie nacyjanalnaj i jeŭrapiejskaj identyčnaści.
«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje
U Biełarusi za 5 tysiač rubloŭ pradajuć 200-rublovuju banknotu. U jaje vielmi niezvyčajny brak
Na aŭkcyjonie pradajuć biełaruskuju banknotu, u jakoj u numary tolki nuli
Maryja Składoŭskaja-Kiury ŭznačaliła śpis 100 žančyn, jakija źmianili śviet
Kamientary