«Na što pavinna pajści Rasija? Pažadana na try litary». Na sustrečy z Šolcam Zialenski nie byŭ dypłamatyčnym
Prezident Ukrainy Uładzimir Zialenski pravioŭ supolnuju pres-kanfierencyju ź fiederalnym kancleram Hiermanii Ołafam Šolcam, jaki siońnia pryjechaŭ z papiarednie nie anansavanym vizitam u Kijeŭ.
Padčas pres-kanferencyi Zialenski zajaviŭ, što «kab skončyć vajnu ŭ 2025 hodzie, Ukraina pavinna być macniejšaj», a taksama anansavaŭ novyja pierastanoŭki ŭ kamandavańni USU, kab «ruchacca chutčej»
Adnak ža ruchacca chutčej niemahčyma bieź dziejnaj padtrymki zachodnich sajuźnikaŭ. «Ukraina mahła b parazić bolš vajskovych celaŭ RF, kali b Hiermanija dała joj rakiety Taurus», — padreśliŭ Zialenski.
Adkazvajučy na pytańnie, na jakija mahčymyja sastupki moža pajści Rasija na patencyjnych pieramovach, ukrainski prezident nie byŭ dypłamatyčnym:
«Na što pavinna pajści Rasija? Pažadana na try litary», — zajaviŭ Uładzimir Zialenski pierad pačatkam svajho adkazu.
A ŭžo paśla jaho paprasiŭ prabačeńnia za niedypłamatyčnuju leksiku.
U svaju čarhu, Šolc zajaviŭ, što ŭžo ŭ śniežni Hiermanija pieradaść Ukrainie šostuju sistemu SPA IRIS-T, a taksama puskavyja ŭstanoŭki dla Patriot. Akramia taho, Ukraina atrymaje samachodnyja zienitnyja ŭstanoŭki Gepard i viertaloty Sea King.
Pry hetym niamiecki kancler padkreśliŭ, što Hiermanija nie asłabić dapamohu, nazvaŭšy «niedapuščalnymi» abstreły rasijanami ŭkrainskaj enierhietyčnaj infrastruktury.
Pra heta jon, jak śćviardžaje, havaryŭ i padčas niadaŭniaj razmovy z Pucinym:
«Ukraina maje svajo vojska, svaje Uzbrojenyja siły, i moža dasiahnuć svajoj poŭnaj niezaležnaści. Heta aznačaje, što Rasija pavinna spynić vajnu i vyvieści svaje vojski. Ja jamu heta vyrazna skazaŭ», — adznačyŭ Šolc.
Taksama jon raskazaŭ pra razmovu z Pucinym u pačatku 2022 hoda i zajaviŭ, što Rasija «pačać hetuju vajnu vyrašyła jašče za dva hady da pačatku».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary