Leśnika sa Śvisłačy sudziać za kamientary ŭ telehramie pa šaści kryminalnych artykułach. Jamu pahražaje da 12 hadoŭ
Vitolda Šałkieviča bolš za hod trymajuć u SIZA. Doma jaho čakajuć žonka i dźvie niepaŭnaletnija dački.
Vitoldu Šałkieviču 44 hady. Jon rodam z bujnoha miastečka Porazava Śvisłackaha rajona.
U miastečku jość siadziba «Bahudzienki», ułaśnik jakoj — taksama palitviazień. Biznesoŭcu Siarhieju Botviču prysudzili vieličezny termin za «zdradu dziaržavie».
U Vitolda jość žonka i dźvie niepaŭnaletnija dački.
Apošnim časam, pa źviestkach inicyjatyvy Digital intelligence team, Vitold žyŭ u Śvisłačy. Pracavaŭ majstram u filijale Vaŭkavyskaha lashasa.
Jaho zatrymali ŭ žniŭni 2023 hoda prosta na pracy. Spačatku prysudzili aryšt za «raspaŭsiud ekstremisckich materyjałaŭ». Paśla hubazikaŭcy źniali ź im videa i pieraviali ź SIZA.
Pa źviestkach HUBAZiK, Šałkievič pakinuŭ niekalki tysiač kamientaroŭ u roznych čatach z drenna abaronienaha telehram-akaŭnta. Na žal, u takim vypadku mužčyna nie moh nadziejna zaścierahčysia.
Sud nad Vitoldam pačynajecca 9 śniežnia 2024 hoda ŭ Hrodzienskim abłasnym sudzie. Jaho abvinavačvajuć u «abrazie Łukašenki» (č. 1 i č. 2 art. 368 KK), «arhanizacyi abo ŭdziele ŭ dziejańniach, jakija parušajuć hramadski paradak» (č. 1 art. 342 KK), «ździeku ź dziaržaŭnych simvałaŭ» (art. 370 KK), «abrazie sudździ» (art. 391 KK), «abrazie pradstaŭnika ŭłady» (art. 369 KK) i «raspalvańni varožaści» (č. 1 i č. 3 art. 130 KK).
Šałkieviču pahražaje da 12 hadoŭ kałonii ź vialikim štrafam.
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spravaŭ prachodziać šmatlikija fihuranty.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆCiapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia17
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary