Siłaviki nie znajšli abrazy Volhi Bondaravaj u vykazvańniach błohiera Vadimati
Suprać hrodzienskaha błohiera i byłoha palitviaźnia Vadzima Jermašuka (Vadimati) nie stali zavodzić spravu ab abrazie prarasijskaj aktyvistki Volhi Bondaravaj. Pra heta sam Jermašuk, jaki źjechaŭ ź Biełarusi, raspavioŭ u instahramie.
«Zakryvajuć spravu za niedachopam dokazaŭ, bo tam niama jaje proźvišča i imia. A jana pryniała na siabie heta ŭsio, što jana — «šlucha» i «šałava hrodzienskaja» — ujaŭlajecie?» — kaža błohier.
Vadzim Jermašuk byŭ zatrymany ŭ žniŭni 2021 hoda ŭ Ščučynie, kudy pajechaŭ zdymać rolik. Paśla 40 sutak administracyjnaha aryštu na jaho zaviali dźvie kryminalnyja spravy — pavodle artykuł 368 KK (abraza Łukašenki) i artykuł 370 KK (ździek ź dziaržaŭnych simvałaŭ).
21 śniežnia 2021 hoda ŭ Ščučynskim rajonnym sudzie Jermašuku vynieśli prysud — try hady kałonii. Jon całkam adbyŭ pryznačanaje pakarańnie, znachodziŭsia ŭ kałonii ŭ Babrujsku.
Nieŭzabavie paśla vyzvaleńnia Vadzim loh u ankałahičny špital. Paśla jon raskazaŭ, što paśla kałonii ŭ jaho vyjavili złajakasnuju miełanomu, nibyta treciaj stadyi (usiaho — čatyry, adlik idzie ź pieršaj). Ciapier jaje ŭdała vydalili. U Vadzima da zatrymańnia nazirali radzimku, jon chacieŭ jaje vydalić — i nie paśpieŭ. Paźniej jon prasiŭ pra vizit ankołaha ŭ miescach pazbaŭleńnia voli, ale jamu admovili.
Błohier vyjšaŭ na volu 29 červienia 2024 hoda. U žniŭni Jermašuk zajaviŭ ab vyjaŭlenaj u jaho ankałohii.
27 listapada sud Leninskaha rajona Hrodna pryznaŭ jaho staronku va instahramie «ekstremisckaj».
4 śniežnia 2024 hoda stała viadoma, što Vadimati pakinuŭ Biełaruś.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary