Strata «Uśpienskaha miaška»: častka ŭkrainskich vajskoŭcaŭ nie zmahła vyjści z akružeńnia
Rasijskija vojski zachapili Pracoŭnaje i Uśpienaŭku, zaviaršyŭšy akupacyju apošniaha frahmienta «Uśpienskaha miaška», paviedamlaje «Ukrainskaja praŭda» sa spasyłkaj na DeepState.
Analityki adznačajuć, što nie ŭsie ŭkrainskija padraździaleńni zmahli vyjści z akružeńnia. Hetaje pytańnie, jak adznačajuć u DeepState, zastajecca na sumleńni tych, chto dapuściŭ takuju situacyju.
Ciapier praciŭnik pierahrupoŭvajecca na zajmanym učastku, a taksama aktyvizavaŭsia na fłanhach užo novaha patencyjnaha «miaška». Biez spynieńnia ździajśniajucca šturmavyja dziejańni sa Starych Cierniaŭ u napramku adrezka Šaŭčenka — Andrejeŭka. Dadatkovy cisk prysutničaje z boku Soncaŭki, jakuju rasijanie taksama niadaŭna zaniali całkam.
Vorahi taksama aktyŭna atakujuć rajon Zielenaŭki, užyvajučy techniku i piachotu dla prasoŭvańnia da novych stratehičnych abjektaŭ, u pryvatnaści, Andrejeŭki praz Kanstancinopal.
Kamientary