Pryčym pasažyry aburylisia zatrymańniem kiroŭcy.
U Hrodnie supracoŭniki DAI zatrymali pjanaha kiroŭcu maršrutki, piša pres-słužba MUS.
Inśpiektary DPS spynili maršrutnaje taksi pa maršrucie Hrodna — Vaŭkavysk, u sałonie jakoha znachodzilisia 13 pasažyraŭ. Padčas pravierki dakumientaŭ fizičny stan 47-hadovaha kiroŭcy vyklikaŭ padazreńni.
Miedycynski ahlad paćvierdziŭ, što mužčyna znachodziŭsia ŭ stanie ałkaholnaha apjanieńnia. Niahledziačy na abureńnie pasažyraŭ, jakija žadali praciahnuć šlach ź niećviarozym kiroŭcam, jaho adchilili ad kiravańnia.
Na parušalnika składziena piać administracyjnych pratakołaŭ, u tym liku za kiravańnie transpartnym srodkam u stanie apjanieńnia. Jamu pahražaje štraf u pamiery 100 bazavych vieličyń (4 000 rubloŭ) i pazbaŭleńnie pravoŭ na try hady.
Da adkaznaści taksama pryciahnuty dyrektar firmy-pieravozčyka za dopusk da kiravańnia kiroŭcy ŭ stanie apjanieńnia, a taksama za ŭdzieł u darožnym ruchu maršrutnaha taksi z techničnymi niaspraŭnaściami.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary