Prakuratura Lejpcyha nie vyjaviła składu złačynstva ŭ dziejańniach deputata Dornau ŭ Biełarusi
Niamieckaha biznesmiena i deputata ziamli Saksonija ad ultrapravaj partyi «Alternatyva dla Hiermanii» Jorha Dornau padazravali ŭ vykarystańni pracy biełaruskich palitviaźniaŭ. Ale niamieckaja prakuratura paviedamiła, što ź jurydyčnych pryčyn joj nie ŭdałosia vyjavić pieršapačatkovyja prykmiety złačynstva, jakoje mahło b być pieraśledavana pavodle zakonaŭ Hiermanii, piša «Pozirk».
U pres-relizie prakuratury adznačajecca, što Dornau «abvinavačvaŭsia ŭ pracaŭładkavańni ludziej, u tym liku palitviaźniaŭ, na fiermie, jakoj jon kiravaŭ u Biełarusi». Skarha «zasnavanaja na paviedamleńniach ŚMI pra apisańnie padziej byłym viaźniem, jaki, pavodle jaho słoŭ, nie byŭ abaviazany prymać prapanovu pracy na fiermie».
«Adnak zamiest znachodžańnia ŭ viaźnicy jon addaŭ pieravahu pracy na cybulnaj fiermie. Praca nie była prymusovaj, ale ŭmovy ŭ turmie byli katavalnymi», — zrabiła zaklučeńnie prakuratura.
U relizie adznačajecca, što
«ŭ adpaviednaści ź ciapierašniaj pravavoj situacyjaj i kryminalnymi pravaparušeńniami, pieraličanymi ŭ artykule 6 Kryminalnaha kodeksa, kryminalny pieraśled zasnavany na tak zvanym univiersalnym pravavym pryncypie i, takim čynam, nie zaležyć ad miesca złačynstva, zakona miesca złačynstva i hramadzianstva asoby. U dadzienym vypadku abvinavačańnie było mahčymaje tolki ŭ adnosinach złačynstva handlu ludźmi (artykuł 232 KK Hiermanii). Adnak, sychodziačy ź viadomych na siońnia faktaŭ, hetaha nie isnuje».
Inšyja mahčymyja pravaparušeńni, «takija jak prymusovaja praca (art. 232b) i ekspłuatacyja pracy (art. 233), mohuć pieraśledavacca ŭ Hiermanii tolki ŭ vypadku, kali jany ździejśnienyja za miažoj (jak tut, u Biełarusi), kali złačynca źjaŭlajecca niemcam na momant ździajśnieńnia złačynstva», havorycca ŭ relizie.
«Navat kali pry apisanych abstavinach u Hiermanii mahła mieć miesca złačynnaja ekspłuatacyja pracy (art. 233 KK), u Biełarusi apisanaja situacyja karajecca tolki ŭ vypadku prymusovaj pracy. Adnak, pakolki dokazaŭ hetaha niama, złačynstva, u jakim abvinavačvajecca abvinavačany, nie moža pieraśledavacca ŭ Hiermanii adpaviedna art. 7 Kryminalnaha kodeksa, navat kali złačyniec źjaŭlajecca hramadzianinam Hiermanii», — ličać u prakuratury.
«Tamu prakuratura Lejpcyha ŭstrymałasia ad pačatku rasśledavańnia z pravavych pryčyn», — havorycca ŭ dakumiencie.
Razhlad kiejsa Jorha Dornau pačaŭsia paśla publikacyi biełaruskich žurnalistaŭ pra toje, što da pracy firmy «Cybulka-Bieł», jakaja častkova naležyć niamieckamu biznesmienu, pryciahvajuć administracyjna asudžanych, u tym liku pa palityčnych matyvach.
Advakat niamieckaha deputata Dornau paćvierdziŭ, što na jahonym biełaruskim pradpryjemstvie vykarystoŭvali pracu źniavolenych
«Reputacyjnaja škoda vielizarnaja». Ad cybulnaha płantatara Jorha Dornau dystancyrujecca navat «Alternatyva dla Hiermanii»
Moža «ŭskryć rany nacyzmu» — što havorać niamieckija deputaty pra biznes ich kalehi ŭ Lidzie, dzie pracujuć palitviaźni
Deputat niamieckaj ultrapravaj partyi niekalki razoŭ tajemna sustrakaŭsia z pradstaŭnikami režymu Łukašenki
Deputatu ad «Alternatyvy dla Hiermanii» pahražaje vialiki štraf. Jon utaiŭ svoj biznes u Biełarusi
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ16
Kamientary
Chto vas tam papuasaŭ viedaje, jak u vas tam zaviedziena.
Moža biez prymusu nichto i pracavać nie budzie.
Dy i uvohule jaki tut prymus? Chočaš pracuj, nie chočaš - siadzi. Svaja vola.