Milicyjantka, jakaja vykonvaje pieśni niaviestki Łukašenki, — byłaja žonka palitviaźnia
Adna z tych, chto vykonvaje pieśni Hanny Siałuk (sceničny psieŭdanim małodšaj niaviestki Łukašenki) — lejtenant milicyi Hanna Błahava. Jaje ciapier va ŭsiu kruciać pa BT i zakazvajuć na asabliva važnyja ideałahičnyja mierapryjemstvy.
Aljans rasśledavalnikaŭ Biełarusi vyśvietliŭ, što Błahava — heta taksama psieŭdanim, za jakim chavajecca Huń Hanna Anatoleŭna, jakaja raspačała svaju milicejska-tvorčuju karjeru dosyć daŭno, z taho času jana paśpieła paŭdzielničać u roznych konkursach.
Miestačkovy muzyčny Alimp Hanna Błahava-Huń imkliva zavajavała tolki ŭ 2020 hodzie. Jana stała vykonvać pieśni Hanny Siałuk-Łukašenki. I ŭznaharody pasypalisia jak z roha bahaćcia.
Usio pačałosia z taho, što Hanna prysłuchałasia da parady svajho muža (ciapier užo byłoha) Siarhieja Hunia, uładalnika ivent-ahienctva: zamović niekalki piesień u tady jašče nikomu nieviadomaj Hanny Siałuk. Heta pryviało Hannu Błahavu na hałoŭnyja padmostki krainy. I stała pačatkam tvorčaha dueta ź Siałuk i zaviaršeńniem siamiejnaha sajuza ź Siarhiejem Huniem.
U 2020-m Siarhiej adkryta vystupiŭ za pieramieny ŭ krainie. Zatym Siarhieju dali jašče i realny termin — 2,5 hoda pa artykule 130 č. 1 KK (naŭmysnyja dziejańni, nakiravanyja na ŭzbudžeńnie rasavaj, nacyjanalnaj, relihijnaj albo inšaj sacyjalnaj varožaści abo varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści). Mužčyna adbyvaŭ termin u kałonii «Vićba», paŭhoda jon pravioŭ u ŠIZA. Paśla vyzvaleńnia Siarhiej byŭ vymušany pierajechać u Varšavu.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
i takich słoŭ (jakija majuć supraćlehłaje značeńnie) chapaje ŭ rasiejskaj
tak pośle odnoho iz sovieŝanij v banie i połučiła. Ona vied́ rabotiaŝaja, kakoje zadanije ni prikažieš - vsie ispołnit. Zasłužiła, słužboj na pieriedkie pravoporiadka.