Polšča dapamoža Ukrainie, kali Słavakija adklučyć elektraenierhiju z-za hazavaha kanfliktu
Polšča hatovaja pavialičyć ekspart elektraenierhii va Ukrainu ŭ vypadku, kali słavacki premjer-ministr Robiert Fica vykanaje svaje niadaŭnija pahrozy.
Premjer-ministr Słavakii Robiert Fica mienš čym praz tydzień paśla vizitu ŭ Maskvu vystaviŭ Ukrainie ŭltymatum. Jon zajaviŭ, što ŭ adkaz na abvieščanaje Kijevam spynieńnie z 1 studzienia tranzitu rasijskaha hazu Słavakija moža prypynić reziervovyja pastaŭki elektraenierhii.
Pra namier Polščy dapamahčy ŭ hetym enierhietyčnym kanflikcie paviedamlaje Bloomberg.
«Pavodle słoŭ čynoŭnika, jaki paprasiŭ nie nazyvać jaho imia, pakolki pieramovy nosiać pryvatny charaktar, polski ŭrad hatovy pavialičyć unutranaje vytvorčaść elektraenierhii, kab kampiensavać lubyja dysbałansy, jakija mohuć uźniknuć u pierahružanaj sistemie Ukrainy ŭ vypadku dziejańniaŭ Słavakii», — piša vydańnie.
Raniej paviedamlałasia pra płany Ukrainy spynić tranzit rasijskaha hazu z 1 studzienia 2025 hoda.
Akramia taho, prezident Ukrainy Uładzimir Zialenski abvinavaciŭ Robierta Ficu ŭ tym, što jon «albo handluje dziaržaŭnymi intaresami, albo pracuje na ŭłasny kašalok». Zialenski taksama zajaŭlaŭ, što Słavakii prapanoŭvałasia kampiensacyja za spynieńnie tranzitu rasijskaha hazu, pačynajučy z 2025 hoda.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
A Akabčyk Maleńki, choć navat i nie nienazvany, i navat nie čynoŭnik, źviastuje kamunianaŭ: partkom URSR nie pierakryje tranzyt rasiejskaha hazu:)