U apošni dzień 2024 hoda Polšča ŭviała nacyjanalnyja sankcyi suprać kiprskaj kampanii Rostumel Holding Limited — eksparciora pradukcyi «Hrodna Azot».
Polski ŭrad pryjšoŭ da vysnovy, što hetaja kampanija zajmałasia niezakonnym handlem na terytoryi ES i ŭvozam u Polšču karbamidu (jon ža mačavina), jaki vyrablajecca na «Hrodna Azocie», piša telehram-kanał @motolkohelp sa spasyłkaj na Minfin Polščy.
«Kampanija Rostumel Holding Limited, nabyvajučy pradukcyju ŭ AAT «Hrodna Azot», parušaje sankcyjnyja abmiežavańni, jakija ŭklučajuć zabaronu na impart i ekspart biełaruskaj pradukcyi ad pradpryjemstvaŭ, što znachodziacca pad sankcyjami.
Paśla taho jak «Hrodna Azot» byŭ uklučany ŭ sankcyjny śpis ES, pradpryjemstva spyniła ekspart u Polšču. Adnak ekspart pačaŭ ažyćciaŭlacca praź inšyja subjekty, uklučajučy Rostumel Holding Limited», — havorycca ŭ dakumiencie.
U dakumiencie taksama paviedamlajecca, što ad imia kampanii Rostumel Holding Limited vystupaje Andrej Śvirydaŭ. Miarkujecca, što heta toj samy Andrej Śvirydaŭ, jaki ŭ 2019—2021 hadach byŭ namieśnikam načalnika Kiraŭnictva spraŭ prezidenta Biełarusi, a jaho niepasrednym kiraŭnikom byŭ Viktar Šejman.
Pavodle źviestak Ministerstva ŭnutranych spraŭ Polščy, Rostumel źviazana ź jašče adnoj kiprskaj kampanijaj — Dimicandum Invest Holding LTD, u jakoj finansavym dyrektaram taksama ŭžo zhadany Andrej Śvirydaŭ. 16 śniežnia hety ž čałaviek užo trapiŭ pad sankcyi Jeŭrapiejskaha sajuza.
Hihancki ŭčastak u Sočy, jaki naležaŭ Respublicy Biełaruś, pradali za biascenak firmam, źviazanym asabista z Łukašenkam — Biełpoł
30 hadoŭ z hučnaha «zamachu» na Łukašenku pad Loznam — što tady było
Jak 2020 hod pałamaŭ žyćcio Aleha Hajdukieviča. Ni siamji, ni palityčnych pierśpiektyŭ, i tolki toj u ruce
Kamientary