Zakryvajecca adzin z samych darahich minskich restaranaŭ. Im kiravała siamja Zinhmana
Minski restaran Falcone abjaviŭ u sacsietkach pra svajo zakryćcio. Hetym restaranam kiravała siamja Alaksandra Zinhmana — čałavieka, ciesna źviazanaha ź Viktaram Šejmanam apieracyjami ŭ Afrycy.
U sacsietkach ustanovy źjaviłasia takoje paviedamleńnie:
«Ź vialikim smutkam my paviedamlajem vam, što naš restaran Falcone zakryvajecca.
Dziakuj kožnamu z vas, što byli z nami na praciahu 17 hadoŭ! Našy kuchary hatavali dla vas ź luboŭju! Servis chacieŭ dahadzić kožnamu hościu. My ščyra dziakujem usim vam za vydatnyja momanty, jakija my pieražyli razam.
Na praciahu mnohich hadoŭ vy rabili našy viečary asablivymi, i my zaŭsiody budziem pamiatać vašy ŭśmieški i radaść, jakimi vy dzialilisia z nami. Kali łaska, zastavajciesia z nami ŭ sacyjalnych sietkach abo pa elektronnaj pošcie, kab my mahli dzialicca z vami svaimi novymi prajektami ŭ budučyni».
Restaran italjanskaj kuchni Falcone (u pierakładzie ź italjanskaha aznačaje «Sokał») adkryŭsia ŭ Minsku na vulicy Karala ŭ 2007 hodzie, nahadvaje Blizko.by. Šef-povaram restarana byŭ Viačasłaŭ Fiadziuk.
Restaran prasłaviŭsia jak miesca z adnym z samych vysokich ceńnikaŭ. Naprykład, u mieniu možna znajści jałavičynu Vahiu z padliŭkaj «Džek Denijełs» — jana kaštavała roŭna 500 rubloŭ.
Praŭda, nie ŭsie stravy byli takija darahija. Naprykład, možna było znajści supy pa 10 rubloŭ abo desierty pa 8 rubloŭ, a bulbianoje piure za 7.
U 2015 hodzie restaran trapiŭ u publičny skandał, kali ŭ sacsietkach ustanovy źjaviłasia fota dźviuch žančyn va ŭzroście z podpisam «Falkonie samy darahi restaran? Dy ładna, voś vam advarotny dokaz». Biełarusy paličyli takoje staŭleńnie chamstvam, bo pa ŭzroście naviedvalnikaŭ nielha rabić nijakich vysnoŭ pra ich zamožnaść i płaciežazdolnaść.
Kiravała restaranam siamja Alaksandra Zinhmana — čałavieka, ciesna źviazanaha ź Viktaram Šejmanam apieracyjami ŭ Afrycy.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary