Suzasnavalniku pravaradykalnaj partyi «Nacyjanalny front» było 96 hadoŭ.
Lo Pen pamior dniom 7 studzieńnia ŭ atačeńni blizkich u balnicy, kudy jaho špitalizavali niekalki tydniaŭ tamu. Pra heta havorycca ŭ zajavie siamji palityka.
Žan-Mary Lo Pen naradziŭsia 20 červienia 1928 hoda. U 1950-ch pryjšoŭ u palityku i staŭ samym maładym deputatam francuzskaha parłamienta.
U 1972 hodzie Lo Pen zasnavaŭ partyju «Nacyjanalny front», u asnovie jakoj byli kansiervatyzm, radykalizm i nacyjanalizm. Partyja vystupała za vychad Francyi z NATA, abmiežavańnie mihracyi i supraćdziejańnie jeŭraintehracyi.
Za 40 hadoŭ kiravańnia «Narodnym frontam» Lo Pen zajmieŭ status skandalnaha palityka-papulista. U 2015-m z-za jaho pravakacyjnych zajaŭ jaho vyklučyli ź jahonaj ža partyi, jakuju nieŭzabavie pierajmienavali ŭ «Nacyjanalnaje abjadnańnie». Jaje lidarkaj siońnia źjaŭlajecca dačka palityka Maryn.
Žan-Mary Lo Pen piać razoŭ bałatavaŭsia na prezidenckich vybarach. U 2002 hodzie jon zdoleŭ vyjści ŭ druhi tur, dzie prajhraŭ Žaku Šyraku.
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»15
Kamientary