Supraćpuchlinny bijamiedycynski kletkavy pradukt na asnovie naturalnych kilernych kletak čałavieka ŭpieršyniu zarehistravany ŭ Biełarusi, paviedamiŭ padčas pres-kanfierencyi namieśnik dyrektara pa navucy RNPC dziciačaj ankałohii, hiematałohii i imunałohii Michaił Bieleŭcaŭ, piša «Sputnik».
Jon adznačyŭ, što kletkavaja imunaterapija apošnim časam aktyŭna ŭžyvajecca ŭ lačeńni ankałahičnych zachvorvańniaŭ. Jaje asnoŭny pryncyp zaklučajecca ŭ aktyvizacyi ŭłasnych resursaŭ imunnaj sistemy dla baraćby z rakam.
Pa słovach Bieleŭcava, na praciahu piaci hadoŭ u RNPC prachodziŭ navukova-daśledčy prajekt pa ŭžyvańni naturalnych kilernych kletak dla lačeńnia raku. U jaho ramkach byli praviedzieny kliničnyja vyprabavańni — z dapamohaj novaj technałohii lačylisia 28 pacyjentaŭ.
«My atrymali statystyčny i klinična dakazany efiekt prymianieńnia hetych naturalnych kilernych kletak. I paśla hetaha źviarnulisia ŭ Ministerstva achovy zdaroŭja z prośbaj ab rehistracyi bijamiedycynskaha kletkavaha praduktu jak supraćpuchlinnaha preparata dla lačeńnia pacyjentaŭ z ankałahičnymi zachvorvańniami», — raspavioŭ Bieleŭcaŭ.
Pavodle jaho słoŭ, u jakaści kliničnaha zachvorvańnia byŭ abrany vostry mijełoidny lejkoz — dosyć składanaja forma lejkozaŭ, pacyjenty ź jakim vyžyvajuć prykładna ŭ 70% vypadkach.
Štohod u Biełarusi taki dyjahnaz staviać 12-15 dzieciam. A ŭsiaho kožny hod fiksujuć kala 300 vypadkaŭ raku siarod dziciačaha nasielnictva.
«Z hetaj formaj lejkozu my praktyčna vylečyć usich nie možam, u adroźnieńnie ad vostraha limfabłastnaha lejkozu, dzie vyžyvalnaść składaje bolš za 90%. I adzin z varyjantaŭ dapamohi — heta prymianieńnie hetaha procipuchlinnaha bijamiedycynskaha kletkavaha praduktu, jaki dazvoliŭ nam padniać vyžyvalnaść. Ciapier jana składaje kala 80%, tamu efiektyŭnaść hetaha preparata dosyć vysokaja», — adznačyŭ namieśnik dyrektara.
Jon taksama źviarnuŭ uvahu, što heta inavacyjnaja technałohija — heta pieršy na ŭsioj prastory SND bijamiedycynski kletkavy pradukt na asnovie naturalnych kilernych kletak.
-
Za tydzień u Biełarusi kolkaść zachvorvańniaŭ na reśpiratornyja infiekcyi vyrasła na 18 pracentaŭ
-
Biełaruskaja fitnes-trenierka dva hady pakutavała ad nieviadomaj chvaroby. Zdajecca, jana znajšła adkaz — ale ad jaho nie lahčej
-
Naradžajecca mienš dziaciej, bo prablemaj stała začać. Voś što vyjavili apošnija daśledavańni, asabliva mužčynskaha zdaroŭja
Ciapier čytajuć
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach11
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary