Valfovič zajaviŭ, što ekstremisty płanujuć zachapić pryhraničnyja rajony Biełarusi
Dziaržsakratar Rady biaśpieki Alaksandr Valfovič u intervju sb.by zajaviŭ pra nibyta płan zachopu «ekstremisckimi farmavańniami» biełarusaŭ pryhraničnych rajonaŭ krainy i ŭvodu Zachadam miratvorčaha kantynhientu.
«Viadziecca aktyŭnaja padrychtoŭka bajevikoŭ dla tak zvanaj «Biełaruskaj vyzvolnaj armii». U Polščy dla kiraŭnictva pracesami navučańnia bajevikoŭ stvorany kamandna-kaardynacyjny centr «Paspalitaje rušeńnie». Rychtujecca «bajavoje kryło». Na terytoryi Ukrainy, jakaja pieratvaryłasia ŭ niejkuju šeruju zonu i vykarystoŭvajecca Zachadam dla viadzieńnia proksi-vajny z Rasijaj i Biełaruśsiu, z pryciahnieńniem śpiecyjalistaŭ ukrainskich i zachodnich śpiecsłužbaŭ i śpiecpadraździaleńniaŭ ažyćciaŭlajecca vajenna-dyviersijnaja padrychtoŭka členaŭ roznych ekstremisckich farmiravańniaŭ, jakija składajucca ź biełaruskich radykałaŭ», — zajaviŭ Valfovič.
Pa jaho słovach, razhladajecca mahčymaść zadziejničańnia nazvanych ekstremisckich farmavańniaŭ va ŭzbrojenaj apieracyi «pa zachopie adnaho abo niekalkich pryhraničnych rajonaŭ Biełarusi, abviaščeńniu hetaj terytoryi «svabodnaj» i ŭvodu tudy zachodnimi krainami niejkaha «miratvorčaha» kantynhientu».
Taksama sakratar Rady biaśpieki skazaŭ, što ŭkrainskimi śpiecsłužbami nibyta pravodzicca aktyŭnaja praca pa dystancyjnaj viarboŭcy praź internet «spačuvajučych» biełaruskich hramadzian z metaj ich skłanieńnia da akazańnia sadziejničańnia ŭ zbory i pradastaŭleńni cikavaj infarmacyi, a taksama ździajśnieńnia aktyŭnych supraćpraŭnych dziejańniaŭ.
«Spačatku im prapanujecca ažyćciavić fota– i videazdymku miescaŭ dysłakacyi padraździaleńniaŭ Uzbrojenych sił u pamiežnych z Ukrainaj rajonach z nastupnaj pieradačaj im atrymanych materyjałaŭ. U dalejšym zavierbavanyja biełaruskija ekstremisty vykarystoŭvajucca ŭkrainskimi śpiecsłužbami i ich zachodnimi kuratarami dla stvareńnia schronaŭ sa zbrojaj i bojeprypasami, vybuchovymi pryładami i vybuchovymi rečyvami ŭ metach ich dalejšaha vykarystańnia pry ździajśnieńni terarystyčnych napadaŭ i dyviersij na terytoryi Biełarusi i Rasii, a taksama niepasredna dla ich ździajśnieńnia», — dadaŭ Valfovič.
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony5
Kamientary