Hrodziencu dali paŭtara hoda chimii za ŭchileńnie ad vojska: byŭ u vyšuku, ale viarnuŭsia z-za miažy
Chłopiec nie źjaviŭsia pa poźvie ŭ vajenkamat. Suprać jaho zaviali kryminalnuju spravu, ale prypynili, pakul jon byŭ u vyšuku. U 2024 hrodzieniec pryjechaŭ u Biełaruś — i trapiŭ pad sud. A vosieńniu 2024 hoda ŭ Hrodnie na pryzyŭ nie źjavilisia 26 čałaviek, piša Hrodna.life.
Małady čałaviek byŭ na ŭliku ŭ vajenkamacie. U 2023 hodzie jon atrymaŭ paviedamleńni ab prachodžańni terminovaj słužby, prajšoŭ miedycynskaje abśledavańnie i byŭ pryznany prydatnym dla słužby ŭ vojsku. Atrymaŭšy pozvu, hrodzieniec nie pryjšoŭ u vajenkamat i nie dasłaŭ nijakich apraŭdalnych dakumientaŭ.
Kryminalnuju spravu pa č. 1 art. 435 (uchileńnie ad mierapryjemstvaŭ pa pryzyvie na vajskovuju słužbu) zaviali, ale jaje daviałosia prypynić, pakul chłopiec byŭ u vyšuku. U 2024 hodzie jon «abjaviŭsia na terytoryi Respubliki Biełaruś» i byŭ zatrymany.
Spravu razhladaŭ sud Leninskaha rajona na vyjaznym pasiadžeńni ŭ vajennym kamisaryjacie Hrodna i Hrodzienskaha rajona. Na sudzie małady čałaviek pryznaŭ vinu i raskajaŭsia, ale atrymaŭ paŭtara hady abmiežavańnia voli z nakiravańniem u papraŭčuju ŭstanovu adkrytaha typu. Paśla hetaha jamu ŭsio roŭna daviadziecca adsłužyć u vojsku.
Kamientary