Taksistam u Minsku paviedamili, što ŭ dzień vybaraŭ nie budzie internetu
Pra heta «Našaj Nivie» raskazali taksisty z roznych słužbaŭ.
Pa słovach taksistaŭ, administracyja papiaredziła ich, što 26 studzienia, u dzień vybaraŭ, mohuć adklučać internet.
Ciažka skazać, ci heta kančatkovaje rašeńnie ŭładaŭ abo jaho buduć prymać u zaležnaści ad taho, ci zdaracca akcyi pratestu albo jak budzie prachodzić hałasavańnie.
Prezidenckija vybary hetaha hoda prachodziać pa stroha pradvyznačanym uładami scenary. Nivodzin niekantralavany ŭładami kandydat nie dapuščany da vybarčaha pracesu, a asnoŭnyja kankurenty Alaksandra Łukašenki na vybarach 2020 hoda źniavolenyja abo vycisnutyja ŭ emihracyju, jak i imaviernaja pieramožca tych vybaraŭ — Śviatłana Cichanoŭskaja.
U krainie praciahvajucca masavyja palityčnyja represii.
Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spraŭ prachodziać šmatlikija fihuranty.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
Ludzi paviedamlajuć pra toje, što «prafiłaktyčnymi mierapryjemstvami» pierad vybarami achoplenaja hihanckaja kolkaść ludziej.
U milicyju abo da kiraŭnictva ŭstanoŭ i pradpryjemstvaŭ vyklikajuć usich, chto mieŭ u minułym zatrymańni pa palityčnych artykułach ci inšyja padstavy dla sačeńnia za saboj.
Charaktar «prafiłaktyčnych hutarak» adroźnivajecca i zaležyć ad taho, chto ich pravodzić. U bolšaści vypadkaŭ, jakija viadomyja «Našaj Nivie», jany mieli farmalny charaktar, a milicyjantam ci słužbovym asobam, što ich pravodzili, «było soramna», jak vykazaŭsia adzin ź ludziej, ź jakimi my havaryli.
Adnak časam ludzi papadajuć i na azłoblenych siłavikoŭ, jakija kryčać i pahražajuć. Tak, adna z žančyn, ź jakimi razmaŭlała «NN», raskazała, što «mianie, niemaładuju, nie čapali, moj [saromieŭsia] na mianie vočy padniać, a za ścienkaj inšy tak kryčaŭ na dziaŭčynku, što jana płakała». Heta adbyvałasia ŭ adździaleńni milicyi.
«Naša Niva» — bastyjon biełaruščyny
PADTRYMAĆ-
Biełaruskija školniki zavajavali 9 miedaloŭ na mižnarodnaj alimpijadzie ŭ Kitai
-
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie
-
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!43
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał99
Kamientary
Naskolko žie oni daleki ot riealnosti.. oni VOOBŜIE nie ponimajut, čto proischodit, čto ludi dumajut, čiem živut.
oni prospali "volu naroda" 5 let nazad, oni nie ponimajut jejo i siejčas.
oni prosto NIEOBUČAJEMYJE. obo*ravšijesia ot stracha, kotoryj ich za 5 let nikak nie otpustit, dažie niesmotria na połnoje otsutstvije priznakov, čto kto-nibud́ po svojej vole pojdiet na etu ich blevotinu, a tiem boleje protiestovať.