«Jana stała snajpieram». Stali viadomyja abstaviny hibieli va Ukrainie 24-hadovaj Maryi Zajcavaj
Niekrałoh na hibiel dziaŭčyny apublikavaŭ na svajoj staroncy ŭ Facebook Rusłan Mirašničenka — kamandzir 2-ha mižnarodnaha lehijona Uzbrojenych sił Ukrainy, zaŭvažyŭ «Fłahštok».
«Mozh rvie na častki… Nie mahu maŭčać, i ja nie mahu skazać bolš, čym možna», — pačaŭ svoj dopis Mirašničenka.
U lehijonie Maryja apynułasia ź pieršych dzion jaho farmavańnia. Z 2022 hoda Maryja pracavała ŭ miedpunkcie, ale kazała, što heta nie jaje i što jana musić być u akopie z chłopcami.
U 2023 hodzie na ŭschodnim froncie, akazvajučy dapamohu ŭkrainskim bajcam, Maryja atrymała ranieńnie.
Paśla reabilitacyi, prajšoŭšy navučańnie i treniroŭki na praciahu niekalkich miesiacaŭ, Zajcava stała paśpiachovym snajpieram.
Kamandzir lehijona paviedamiŭ abstaviny hibieli byłoj hamialčanki:
«Siońnia nočču pad Pakroŭskam jana papracavała dobra, ale arta [rasijskaja artyleryja] robić svajo. Uzhadajcie Maryju siońnia. Pamaŭčym… Jana addała žyćcio za našu i vašu Svabodu. Za volnuju Biełaruś i volnuju Ukrainu. Mocnaja dziaŭčyna voin. Honar!».
Na dadzieny momant cieła zahinuŭšaj znachodzicca ŭ zonie abstrełu pad Pakroŭskam.
Raźviedka ZŠA: Biełaruś stała pieradavym vajskovym płacdarmam Rasii24
Kamientary
Za ich voś takija maładzieńkija miłyja stvareńni vajujuć i pamirajuć.