Karatkapalcaha paŭzunka pabačyŭ 12 studzienia ŭ starym parku horada Vysokaje Kamianieckaha rajona (krajni zachodni punkt Biełarusi) ptuškar Jaŭhien Misijuk, piša «Dzikaja pryroda pobač».
Jaŭhien źviarnuŭ uvahu na doŭhuju dziubu paŭzunka i zapadozryŭ, što heta, mahčyma, karatkapalcy.
U Jeŭropie pražyvajuć dva vidy paŭzunkoŭ — zvyčajny i karatkapalcy. Zvyčajny paŭzunok u Biełarusi sustrakajecca paŭsiul. A voś karatkapalcaha apošni raz u nas bačyli bolš za 100 hadoŭ tamu nazad. U XXI stahodździ było tolki niekalki hałasavych rehistracyj hetaha vidu, ale nie vyklučanyja pamyłki.
Adroźnić hetyja vidy paŭzunkoŭ u pryrodzie niaprosta — jany vyhladajuć amal adnolkava. Nadziejnyja sposaby dla ptuškara — dobry fotazdymak ci zapis hołasu.
Hniozdaŭ hetaha vidu ptušak u Biełarusi jašče ni razu nie znachodzili.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary