Ptuškaj 2025 hoda ŭ Biełarusi staŭ vialiki hrycuk. Hetaja ptuška ŭklučana ŭ Čyrvonuju knihu Biełarusi. Asnoŭnyja miescy hniezdavańnia — pojmiennyja zaliŭnyja łuhi, vierchavyja i pierachodnyja bałoty, sielhasuhodździ, zakinutyja torfaraspracoŭki, piša Tochka.by.
Daśledavańni pakazali, što viasnovyja zbory vialikaha hrycuka ŭ pojmie Prypiaci — najbujniejšyja ź viadomych u Jeŭropie. Maksimalnaja kolkaść hetych ptušak (20 tys. asobin) była zarehistravanaja ŭ vakolicach Turava ŭ 2014 hodzie.
Vialiki hrycuk — ptuška z daŭžynioj cieła 36-44 sm i vahoj 160-500 h. Samcy trochi drabniejšyja za samak, a vonkava adroźnivajucca ad ich tolki ŭ šlubny pieryjad.
Anhlijskija arnitołahi vyśvietlili, što, niahledziačy na štohadovy raspad par vialikich hrycukoŭ i zimoŭcy na značnych adlehłaściach adzin ad adnaho, asobiny ptušak kožnuju viasnu znoŭ sychodziacca ŭ raniejšych miescach hniezdavańniaŭ. Ale adbyvajecca heta tolki ŭ vypadku prylotu kožnaj z ptušak adnoj pary ŭ intervale troch dzion. Kali niechta zapaźniŭsia, to ptuški znachodziać novych partnioraŭ.
Vialikija hrycuki — davoli aściarožnyja ptuški. Jany vydatna biehajuć i płavajuć, ale jašče lepš lotajuć. Nie curajucca inšych ptušak i žyvioł.
Miesca dla hniazda vybiraje samiec. Takavańnie — davoli vidoviščny śpiektakl, jaki prachodzić na ŭčastku raźmiaščeńnia hniazda: samcy lotajuć, pahojdvajučysia z boku ŭ bok, bjučy napieramienku to adnym, to inšym kryłom. Jany robiać hłybokija nyrcy, vydajučy praciahłyja huki. Čužych samcoŭ, jakija zalacieli na hetuju terytoryju, biescyrymonna vyhaniajuć za jaje miežy.
Hrycukoŭ možna nazvać dobrymi baćkami. U vypadku źjaŭleńnia jakich-niebudź vorahaŭ ptuški abaraniajuć svajo hniazdo — z hučnymi krykami vylatajuć nasustrač. Mohuć navat ustupić u pavietranuju sutyčku z ptušynymi drapiežnikami. Achoŭvajuć jany i susiednija hniozdy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary
Dzivosny novy śviet