Uspyška zachvorvańniaŭ na virusny hiepatyt A moža być źviazanaja ź impartam praduktaŭ z Afryki
U Biełarusi zachvorvańnie na virusny hiepatyt A za pieršyja šeść miesiacaŭ 2024 hoda pavialičyłasia ŭ 7,5 raza, a da kanca hoda hety pakazčyk moža być jašče vyšejšym. Adnoj z mahčymych pryčyn rostu zachvorvańnia mohuć być pradukty, impartavannyja z Afryki abo krain Blizkaha Uschodu, dzie virus šyroka raspaŭsiudžany, piša telehram-kanał «Biełyje chałaty».
Hiepatyt A — heta zachvorvańnie piečani, jakoje raspaŭsiudžvajecca praz zaražanuju ježu ci vadu. Choć chvaroba i nie pierachodzić u chraničnuju formu, zachvorvańnie supravadžacca ciažkimi simptomami i navat pryvodzić da śmiarotnych vypadkaŭ. Naprykład, u 2016 hodzie Suśvietnaja arhanizacyja achovy zdaroŭja zafiksavała 7134 vypadki śmierci ad hiepatytu A.
U minułym hodzie na kanhresie «Infiekcyjnyja chvaroby, mikrabijałohija i imunałohija» adna z dakładčyc, prafiesarka Tamara Amvrośjeva, raskazała pra rezki rost u Biełarusi zachvorvańnia na hiepatyt A:
kali ŭ 2023 hodzie ŭzrovień składaŭ 0,89 vypadku na 100 tysiač nasielnictva, a za 6 miesiacaŭ 2024 hoda pakazčyk vyras da 6,6 vypadkaŭ na 100 tys.čałaviek. Prafiesarka tady vykazała zdahadku, što da kanca 2024 hoda pakazčyk zachvorvańnia moža dasiahnuć 10 vypadkaŭ na 100 tysiač nasielnictva.
Rasśledavańnie hetaj situacyi, vidać, było praviedziena, ale aficyjna jahonyja vyniki nie apubličvalisia. U toj ža čas cikavaja infarmacyja źmiaščajecca ŭ artykule, raźmieščanym u zborniku tezisaŭ da V Usierasijskaj kanfierencyi maładych navukoŭcaŭ «Virusnyja infiekcyi — ad dyjahnostyki da kliniki», jakaja prajšła ŭ Sankt-Pieciarburhu 11-12 krasavika 2024 hoda. Aŭtary hetaha tekstu — supracoŭniki Respublikanskaha navukova-praktyčnaha centra epidemijałohii i mikrabijałohii i Respublikanskaha centra hihijeny, epidemijałohii i hramadskaha zdaroŭja Biełarusi.
Pavodle danych, sabranych biełaruskimi śpiecyjalistami, za apošnija piać hadoŭ virus najčaściej raspaŭsiudžvaŭsia praz zaražanyja pradukty charčavańnia (24,3%) i kantaktna-bytavym šlacham (21,5%), a radziej — praz vadu (6,1%).
Padkreślivajecca, što ŭ 2024 hodzie mahčymaje zaniasieńnie virusu źviazanaje ź impartam praduktaŭ z rehijonaŭ, dzie jon raspaŭsiudžany, naprykład, z Afryki i Blizkaha Uschodu.
Adnym z najbolš ryzykoŭnych praduktaŭ moža być sadavina, naprykład, kłubnicy. U Jeŭrasajuzie ŭžo byli vypadki, kali kłubnicy z Maroka byli zaražanyja virusam hiepatytu A praz paliŭ pasievaŭ nieačyščanymi ściokavymi vodami abo praz kantakt z zaražanymi ludźmi.
Biełaruskija ŭłady, na dumku aŭtaraŭ materyjału, niedastatkova infarmujuć nasielnictva pra niebiaśpieku, što nie daje ludziam mahčymaści svoječasova zaścierahčysia. Vakcynacyja ad hiepatytu A ŭ Biełarusi nie źjaŭlajecca abaviazkovaj i pravodzicca tolki ŭ asobnych vypadkach pa epidemičnych pakazańniach, naprykład, paśla kantaktu z chvorym. U Minsku biaspłatna vakcynujuć tolki dziaciej va ŭzroście 18 i 24 miesiacaŭ.
Kamientary
Poetomu statistiku po uvieličieniju słučajev hiepatita łučšie skryť. Nie priekraŝať žie takoj pribylnyj biźnies, podumaješ biełarusy čaŝie načali boleť. A tie kto zaboleli, kak i v słučaje s kovidom, sami vinovaty.