Novaja niejrasietka łakalizuje čałavieka ci jaho dom pa fota znutry kvatery za siekundy
Novy instrumient pa maksimumie vykarystoŭvaje ŭsie mahčymyja aryjenciry na fota (raślinnaść, budynki, cieni i hetak dalej), prademanstravaŭšy fantastyčnuju dakładnaść vyjaŭleńnia miesca zdymki. Asabliva kali fota zroblena znutry doma i na im jość chacia b adno niezaviešanaje akno.
Technałohii analizu vyjavaŭ dasiahnuli novaha ŭzroŭniu. GeoSpy — heta mahutny instrumient na asnovie štučnaha intelektu, jaki moža vyznačyć miesca znachodžańnia čałavieka ci jaho doma pa adnym fota (navat kali fota zroblena ŭ pamiaškańni, ale na im bačnaje chacia b adno niezaviešanaje akno).
Jak heta pracuje? GeoSpy navučany na miljonach vyjaŭ z roznych kutkoŭ śvietu. Jon raspaznaje architekturnyja asablivaści, typ hleby, raśliny i ich prastoravaje raźmiaščeńnie. Instrumient taksama analizuje cieni, budynki, adlehłaść pamiž imi i ŭsie inšyja mahčymyja aryjenciry, kab z fantastyčnaj dakładnaściu identyfikavać miesca zdymki.
Niahledziačy na toje, što sacsietki vydalajuć mietadanyja (uklučajučy GPS-kaardynaty) z fotazdymkaŭ, GeoSpy nie maje ŭ ich patreby, piša vydańnie 404 Media.
Kali raniej dla takich daśledavańniaŭ patrabavalisia tydni, miesiacy ci navat hady dośviedu ŭ śfiery OSINT (vyviedki na asnovie adkrytych krynic infarmacyi), to GeoSpy daje takija ž vyniki za niekalki siekund navat niedaśviedčanym karystalnikam.
Raspracoŭščyk GeoSpy, amierykanskaja kampanija Graylark Technologies, zajaŭlaje, što technałohija pryznačanaja dla vykarystańnia vyklučna ŭradavymi i pravaachoŭnymi strukturami. Adnak vyśvietliłasia, što na praciahu niekalkich miesiacaŭ instrumient byŭ dastupny i dla zvyčajnych karystalnikaŭ.
Bolš za toje, u sacyjalnych sietkach źjavilisia videa, dzie šmatlikija karystalniki dzielacca svaimi ŭražańniami ad mahčymaściaŭ GeoSpy. Niekatoryja pryznalisia, što karystalisia prahramaj dla sačeńnia za žančynami, adznačaje 404 Media.
Sama kampanija Graylark Technologies śćviardžaje, što admaŭlała zapyty na adsočvańnie peŭnych ludziej, asabliva žančyn. Ale paśla niadaŭniaj publikacyi 404 Media ŠI-instrumient GeoSpy staŭ niedastupny dla šyrokaj publiki.
Pytańnie vykarystańnia takich technałohij vyklikaje surjoznuju dyskusiju. Z adnaho boku, GeoSpy moža być karysnym dla ŭradavych struktur u pošuku źnikłych ludziej abo rasśledavańni złačynstvaŭ. Ale z druhoha — adkryty dostup da takoj sistemy stvaraje istotnyja pahrozy pryvatnaści i biaśpiecy zvyčajnych hramadzian. Asablivuju zaniepakojenaść vyklikaje toje, što takija instrumienty mohuć trapić u ruki kibierzłačyncaŭ ci śpiecsłužbaŭ aŭtarytarnych krain.
Pakul GeoSpy zastajecca zakrytym dla publiki, ale sam fakt isnavańnia takich technałohij śviedčyć pra novuju realnaść, dzie ananimnaść u internecie pierastaje isnavać. A ci zmoža hramadstva supraćstajać hetamu vykliku — pytańnie adkrytaje.
Amierykanskija navukoŭcy prydumali, jak vizualna sačyć za ludźmi pa WiFi zamiest kamier. Akazvajecca, biełarusy prezientavali padobny mietad 6 hod tamu
Raskryli miechanizm, jaki ŭžyvajuć śpiecsłužby roznych krain dla sačeńnia za karystalnikami. Raskazvajem, što za jon
Raskazvajem, jak abaranicca ad Pegasus i inšych virusaŭ, jakija mohuć rassyłać śpiecsłužby
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary