Biełarus, jaki vajavaŭ na baku Rasii, skardzicca, što nie moža zvolnicca sa słužby i atrymać vypłaty
Biełarus, jaki vajavaŭ na baku Rasii suprać Ukrainy, paskardziŭsia, što nie moža zvolnicca sa słužby navat paśla zakančeńnia kantraktu. Taksama jamu nie dajuć rasijskija vypłaty za ranieńni, atrymanyja na vajnie. Zvarot biełarusa apublikavaŭ telehram-kanał «Nie čakaj mianie z Ukrainy», zaŭvažyła «Miedyjazona».
Imia biełarusa nie nazyvajecca, jahony tvar u zvarocie i źviestki ŭ miedycynskaj daviedcy schavanyja.
Mužčyna zajaviŭ, što jaho chočuć znoŭ adpravić na front, niahledziačy na zakančeńnie kantraktu i toje, što lekary pryznali jaho «nieprydatnym da vajskovaj słužby» paśla ranieńnia.
«Paśla padačy rapartu ŭ čaść jany sprabujuć siłkom zaciahnuć mianie i adpravić u zonu SVA [śpiecyjalnaj vajennaj apieracyjaj (SVA) rasijskija ŭłady i prapahandysty nazyvajuć raźviazanuju Kramlom vajnu va Ukrainie. — Red.], choć pa zakonie nie majuć prava», — kaža mužčyna.
Biełarus nazvaŭ hetyja dziejańni niezakonnymi, pakolki padčas lačeńnia paśla ranieńnia ŭ jaho, maŭlaŭ, dyjahnastavali hiepatyt S, ź jakim nielha praciahvać słužbu.
«Vypłat za formu 100, jakuju atrymaŭ hod tamu ŭ Daniecku, niama, usie spasyłajucca na čaść, a ŭ čaści ničoha nie robiać», — zajaŭlaje prarasijski biełarus.
Mužčyna kaža, što kamandavańnie pałka ihnaruje pastanovy daktaroŭ, adpraŭlajučy ŭsich zapar nazad u čaść. Tych, chto nie zhodny z takimi dziejańniami, viazuć u raźmiaščeńnie ŭ kajdankach.
Jon taksama paviedamiŭ, što jahony kantrakt ź Minabarony ŭžo skončyŭsia i jon, jak kantrakt zamiežnaha hramadzianina, pa zakonie aŭtamatyčna nie praciahvajecca.
Zhodna z apublikavanaj daviedkaj, biełarus prachodziŭ słužbu pa kantrakcie ŭ 255-m motastrałkovym pałku (v/č 13766, Vałhahradskaja vobłaść). U 2024 hodzie jon byŭ špitalizavany z traŭmami taza i ściohnaŭ. Paśla miedycynskaha abśledavańnia jon byŭ pryznany časova nieprydatnym da vajskovaj słužby i jamu byŭ rekamiendavany 45-dzionny adpačynak.
«Ciapier mianie šukajuć, sprabujuć adpravić u Danieck. Šukajuć i pahražajuć», — zajaviŭ biełaruski kantraktnik.
Recydyvist, jaki skraŭ unitaz u susieda. Raskazvajem, chto toj najmit ź Biełarusi, jakoha ŭziali ŭ pałon va Ukrainie
«Ja vas, baranaŭ, rezaŭ i budu rezać». Dzieviać razoŭ sudzimy najmit viarnuŭsia z ukrainskaha pałonu i zabiŭ chłopca byłoj žonki
U Kurskaj vobłaści zahinuŭ pieršy afrykanski najomnik, jaki vajavaŭ na baku Rasii
«Ja vas, baranaŭ, rezaŭ i budu rezać». Dzieviać razoŭ sudzimy najmit viarnuŭsia z ukrainskaha pałonu i zabiŭ chłopca byłoj žonki
U ZŠA zatrymali «vahnieraŭca», jaki sprabavaŭ pierasiačy miažu praz raku. U jaho ŭ zaplečniku byŭ dron
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary
I na vybary