Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi
Byłaja palitźniavolenaja miarkuje, što kali admianić sankcyi, to režym zrazumieje, što treba brać zakładnikaŭ, kab paśla imi handlavać.
«Kali ja čuju pra pieramovy z Łukašenkam, to mnie stanovicca śmiešna. Łukašienka — nie samastojnaja fihura ŭ Biełarusi, heta rasijskaja maryjanietka. Jamu dazvalajecca ŭ peŭnych miežach niešta kryčać, varušyć svaimi brovami. Ale ja ŭpeŭnienaja, što ŭ pytańniach biełaruskaha nacyjanalnaha ruchu, da jakoha ja siabie adnošu, heta ŭžo prerahatyva Rasii. Kali sa mnoj zdymali prapahandysckaje intervju, razam ź biełaruskimi prapahandystami pryjazdžaŭ rasiejec, jon ich kuryravaŭ.
Toje, što ja vyjšła, heta nie vynik pieramovaŭ, a mienavita toje, što dacisnuli da peŭnaj kropki. Sankcyi dziejničajuć, ja heta razumieju pa razmovach z tymi ludźmi, jakija raźjušanyja hetymi sankcyjami. Jany dla ich vielmi balučyja. Kali my znoŭ admovimsia ad sankcyj, nie daciśniem režym, to heta značyć, što buduć źjaŭlacca ŭsio novyja i novyja palitviaźni: 10 vypuścili, a 20 uziali za kraty.
Kali admianiajem sankcyi, režym zrazumieje, što heta taktyka: treba brać zakładnikaŭ, a paśla imi handlavać. Palitviaźni stanuć tavaram.
Liču, što patrebnaja žorstkaja ekanamičnaja błakada režymu. Čamu dahetul idzie handal, tranzit praź Biełaruś? Heta, kaniečnie, hańba cyvilizavanamu śvietu. Ja z žacham daviedałasia, što da hetaha času niama sankcyj mienavita za palitviaźniaŭ. Hetuju spravu treba darabić»,
— zajaviła Šarenda-Panasiuk na pres-kanfierencyi ŭ Vilni.
Bresckaja aktyvistka Palina Šarenda-Panasiuk znachodziłasia za kratami sa studzienia 2021 hoda. Pieršasna joj prysudzili dva hady źniavoleńnia.
Žančyna pavinna była vyjści na volu ŭ 2022 hodzie, ale joj trojčy dadavali pa hodu kałonii za «niepadparadkavańnie patrabavańniam administracyi». Jana była pieršaj palitźniavolenaj žančynaj, kaho asudzili pa hetym artykule.
Palinu pieraviali ŭ kałoniju dla recydyvistak, katavali pastajannym znachodžańniem u ŠIZA i pamiaškańni kamiernaha typu. Za čas źniavoleńnia ŭ Paliny pahoršyŭsia stan zdaroŭja, źjaviŭsia chraničny pankreatyt.
Ahułam jana praviała za kratami bolš za 4 hady. Ahułam 270 sutak Palina praviała ŭ karcarach i ŠYZA.
1 lutaha 2025 hoda Palina Šarenda-Panasiuk vyjšła na volu. Jana vyjechała ź Biełarusi ŭ Litvu, dzie čakali muž i dvoje dziaciej.
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški33
Kamientary