Stała viadoma, kali skončać rekanstrukcyju kinateatra «Maskva» ŭ Minsku
Staršynia Minharvykankama Uładzimir Kucharaŭ na sustrečy z navučencami i piedahohami Minskaha dziaržaŭnaha finansava-ekanamičnaha kaledža raskazaŭ, kali płanujecca zaviaršyć rekanstrukcyju ci budaŭnictva niekatorych važnych haradskich abjektaŭ. Pra heta paviedamlaje ahienctva «Minsk-Naviny».
Pavodle słoŭ Uładzimira Kucharava, rekanstrukcyja kinateatra «Maskva» ŭ stalicy Biełarusi zavieršycca da 9 maja. Jak ličyć čynoŭnik, «abnoŭleny kinateatr stanie miescam pryciahnieńnia moładzi».
Akramia taho, da Dnia horada ŭ Łošyckim parku adkryjuć abjekt dla praviadzieńnia šlubaŭ. Jon raźmieścicca na vulicy Čyžeŭskich u adnym z histaryčnych budynkaŭ, jakija rekanstrujujuć. Cyrymonii šlubu źbirajecca arhanizoŭvać u teatralizavanaj formie z ulikam histaryčnych tradycyj. Akramia taho, u parku pabudujuć restarany i hatel dla maładych.
Taksama ŭ Minsku pravodzicca madernizacyja šerahu miedycynskich ustanoŭ.
«Raboty pa šerahu abjektaŭ achovy zdaroŭja ŭžo zavieršanyja. U stadyi abnaŭleńnia — 6-ja klinika. Budzie pabudavany novy korpus 11-j balnicy. Usio heta dla taho, kab napoŭnić ustanovy achovy zdaroŭja sučasnym abstalavańniem, jakija dazvalajuć vyjaŭlać zachvorvańni na rańniaj stadyi i pravodzić efiektyŭnaje lačeńnie».
Da maja taksama maje być zdadzieny Nacyjanalny futbolny stadyjon. Zaviaršajucca raboty pa budaŭnictvie dvuch fizkulturna-spartyŭnych centraŭ — u Łošycy i Kamiennaj Horcy, a taksama rekanstrujujucca kala 80 spartyŭnych placovak pa miescy žycharstva.
Płany pa rekanstrukcyi kaścioła na Kalvaryjskich mohiłkach u Minsku pamianiali nie ŭ lepšy bok
Jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ» FOTA
Na ŭschodzie Minska pabudujuć novy vialiki rajon na 100 tysiač čałaviek
Novy budynak Nacyjanalnaha histaryčnaha muzieja pabudujuć da 2027 hoda
Da «Dnia narodnaha adzinstva» pamiłavali 25 čałaviek4
Kamientary
Kinateatr Niamiha - hučyć pryhoža.