Parkoŭka na stajankach Minska nieŭzabavie znoŭ stanie płatnaj
U Minsku nieŭzabavie znoŭ budzie ŭviedziena płata za parkoŭku na stajankach horada. Pra heta paviedamiŭ dyrektar UP «Haražy, aŭtastajanki i parkoŭki» Alaksandr Kanaš.
«Z 1 studzienia hetaha hoda ŭ Minsku byŭ admienieny miascovy zbor za parkoŭku na stajankach horada, — nahadaŭ surazmoŭca. — Ale 9 sakavika vyjšaŭ ukaz №143, jaki zamiest miascovaha zboru uvioŭ płatu za stajanku na parkoŭcy. Jaje pamier vyznačajecca rašeńniem Minharvykankama.
Zaraz hety dakumient znachodzicca na zaćviardžeńni».
Pry hetym Alaksandr Kanaš padkreśliŭ, što taryfy buduć nie vyšej za raniejšyja. Prapracoŭvajecca mahčymaść navat źmianšeńnia pamieru apłaty.
U pierśpiektyvie ŭ Minsku aŭtaŭładalniki zmohuć skarystacca sistemaj bieznajaŭnych płaciažoŭ. Jak raspavioŭ kiraŭnik pradpryjemstva, užo raspracoŭvajucca sposaby apłaty za parkoŭku praz mabilny telefon, bankamat, elektronnyja kartki.
U stalicy ŭ kamunalnaj ułasnaści znachodziacca 82 aŭtastajanki na 26 tys. mašynamiescaŭ.
Jak paviedamlałasia raniej, u Minsku z 1 studzienia 2010 hoda admienieny miascovy zbor z karystalnikaŭ za parkoŭku transpartnych srodkaŭ u śpiecyjalna adviedzienych miescach. Takoje rašeńnie było pryniata na siesii Minharsavieta ŭ vykanańnie biudžetu Biełarusi na 2010 hod. Vyklučeńnie skłali viedamasnyja stajanki, na jakich spahaniajecca nie zbor, a płata za zachoŭvańnie mašyny. Naprykład, na HC «Ždanovičy» ci inšych bujnych handlovych abjektach.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary