Cichanoŭskaja sustrełasia z amierykanskim čynoŭnikam, jaki pryjazdžaŭ u Minsk pa palitviaźniaŭ
Śviatłana Cichanoŭskaja paviedamiła pra svaju sustreču ŭ Vilni z namieśnikam pamočnika dziaržsakratara ZŠA pa spravach Uschodniaj Jeŭropy Krystafieram Śmitam, jaki ŭčora pryjazdžaŭ u Minsk dla taho, kab zabrać adtul vyzvalenych palitviaźniaŭ Alenu Maŭšuk i Andreja Kuźniečyka, a taksama hramadzianina ZŠA, imia jakoha dahetul nieviadomaje.
«Ja padziakavała spadaru Śmitu za jaho namahańni, za ŭzajemadziejańnie i kaardynacyju z Ofisam, i pieradała asabistuju ŭdziačnaść prezidentu Trampu i dziaržsakrataru Rubia: mienavita dziakujučy ich palityčnaj voli heta stała mahčymym», — paviedamiła Cichanoŭskaja.
Jana vykazała radaść z toj nahody, što «ŭ nas zaviazvajucca davierlivyja adnosiny z novaj amierykanskaj administracyjaj, i ŭčora my pabačyli kankretnyja vyniki hetaha supracoŭnictva». Krystafier Śmit ža zapeŭniŭ Cichanoŭskuju, što za ŭčorašnija vyzvaleńni amierykanski bok nie zrabiŭ režymu Łukašenki nijakich sastupak.
«Našaja meta — kab usie vyjšli na svabodu, kab byli spynienyja represii. Heta nieabchodnaja ŭmova, kab moh pačacca nacyjanalny dyjałoh. I ja baču, što z amierykanskaha boku jość žadańnie i hatoŭnaść nam u hetym spryjać», — padkreśliła Cichanoŭskaja.
Akramia pytańnia palitviaźniaŭ, jana razmaŭlała z Krystafieram Śmitam taksama pra praciah Stratehičnaha dyjałohu i ŭzajemadziejańnie na mižnarodnaj arenie, asabliva ŭ kantekście biahučych pieramoŭ pa Ukrainie.
«Nielha dapuścić, kab Biełaruś stała «suciašalnym pryzam» dla Rasii, i treba rabić usio mahčymaje, kab vyvieści Biełaruś z vajny», — zajaviła demakratyčnaja lidarka.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Daradca Cichanoŭskaj raskazaŭ, jak jon razam ź Viačorkam sustrakaŭ vyzvalenuju Alenu Maŭšuk
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Śviatłana Cichanoŭskaja ŭpieršyniu vystupić na hałoŭnaj scenie Miunchienskaj kanfierencyi pa biaśpiecy
Cichanoŭski raskazaŭ, što treba było rabić u žniŭni 2020-ha61
Kamientary