Były muž Cimanoŭskaj raskazaŭ, što viarnuŭsia ŭ Biełaruś jašče da vybaraŭ i prahałasavaŭ za Łukašenku
Były muž biahuchi Kryściny Cimanoŭskaj u viečar Dnia ŭsich zakachanych źjaviŭsia na strymie ŭ prapahandysta Ryhora Azaronka.
Nahadajem: niadaŭna spartoŭka Kryścina Cimanoŭskaja daviedałasia, što jaje były muž Arsienij Zdanievič źnianacku viarnuŭsia na radzimu. Jana napisała pra heta ŭ instahramie i tehnuła ŭ storys akaŭnty MUS Biełarusi, a taksama pamiežnaj słužby.
Arsienij Zdanievič raskazaŭ, što kali pabačyŭ post byłoj žonki, nie ździviŭsia. «Ja čakaŭ, što jana niešta takoje moža vykinuć».
«Čałaviek, napeŭna, aburyŭsia ad taho, što ja vybraŭ svaju rodnuju krainu, a nie zastacca dzieści ŭ Jeŭropie. Jana siudy nie moža viarnucca, jana vyrašyła prosta mnie napaskudzić. Ščyra kažučy, ja nie viedaju, što ŭ hałavie čałavieka», — skazaŭ jon.
Na słovy Cimanoŭskaj, što jon nie viarnuŭ joj hrošy, Arsienij adkazaŭ, što ničoha nie kraŭ.
Pra svaju pratesnuju dziejnaść Arsienij adznačyŭ, što biełaruskija struktury dobra pracujuć i jon upeŭnieny, što «jany va ŭsim raźbiarucca».
Zdanievič viarnuŭsia jašče da «vybaraŭ» 26 studzienia. Jon schadziŭ prahałasavać u Breście (pa miescy prapiski). Mužčyna skazaŭ, što prahałasavaŭ za Łukašenku.
Zdanievič skazaŭ, što ŭ Biełaruś jechaŭ metanakiravana, bo jamu tut kamfortna i tut blizkija. Ci heta było praz kamisiju pa viartańni hienprakurora Švieda, mužčyna nie tłumačyŭ.
Ciapier čytajuć
Jakija harady najbolš paciarpieli ad palityčnych represij? Voś śpis8
Kamientary
Žiełajuŝije žaleť etoho kotika bieź jaic ostaliś?